شوفي اول شيء .. اجلسي معها وناقشيها وقولي لها اذا تحبين وعجزتي تنسين او شيء احنا مستعدين ننسيك .. وقولي لها وش تبين نسوي لك احنا جاهزين .., وشلون ودك تكون حياتنا ؟؟ كيف تبين يكون وضعنا ؟؟ ,, وبعدين فرفشو دايم معها واشتري ببي ضيفيها .. وصدقيني راح تستانس .. واي شيء تقولكم تبيه او تقولك سويه سووه لا تنقدون عليها

هذي مو حاله او مرض نفسي
هي مراهقه والمراهق حساس ويحس بالظلم من اللي حواليه
لما ترجع كلميها بهدوء
ودلعوها
قوليلها انتى ما تعرفين غلاتج عندنا
مب لازم نقولها لج
لكن تخسرين دنياج واخرتج علي سبب تافه
وخليها تقول اللي في خاطرها
وبعدين خليها توعدج انها ما راح تعيدها خليها تحلف
وذكريها بعاقبه المنتحر
وفنفس الوقت تقربوا منها وخذي رايها باشياء تخصج حتي لو تخترعين قصص ومواضيع
خليها تختار لج شي معين بيني لها انج تحبين تاخذين رايها
بتحس انها مهمه
وهاي فتره وتعدي
انا الله يسامحنى سويت نفسها لما كنت مراهقه
واهلي كلمونى وفهمونى غلطى وذكرونى بعقاب الله وانى لازم استغفر واصلي لربي عشان يسامحني
وبنفس الوقت تقربوا منى وقعدوا يمازحونى يقولولي سوالف شغالات هااه تنتحرين تبغين تروحين سيرلانكا بلادج
يعنى لا شدوا علي ولا تهاونوا لانه موضوع الانتحار مو سهل ولا تحسسونها انكم خايفين انها تعيدها
حسسوها انك خفتوا عليها وذكروها بعقاب ربها وخلاص

كل الي قالو شيلو منها البي بي أو فتشوه غلط،، و خصوصيات البنت؟!؟ يعني تحترمون خصوصيتكم و البنت مالها أي خصوصية؟

بالعكس لو انا مكانها حتى لو ما في بالي فكرة الانتحار بنتححححححر!!

العلاج النفسي أولا و عند طبيب ثقة و معروف مو اي احد، ثانيا علاقتكم فيها داخل البيت، انا ارجح فكرة الاخوات انكم تضيفونها بالبي بي او تسوون جروب و هالاشيا، شي حلو صراحة..

خلوها تروح عند صديقاتها البيت أو تتسوق أو تروح صالون تسوي لوك يديد، من الأشيا الي يحبونها البنات و تغير نفسيتهم، و يحسون انهم يقدرون يبدأون حياة يديدة مع العلاج النفسي...

ان شاء الله ما فيها الا العافية ... لا طبيب نفسي ولا غيره ... هاي مرحلة مراهقة ..... وحده من قريباتي جي كانت بس تبا تلفت الانتباه ... حاولي تعطونها شويه أهمية