ساعدوني اخواتي في اختيار الاجهزة الكهربائيه للمطبخ

هلا حبيبتي يمكن اقدر افيدك اشوي، انا بعد مثلك للحين ما شريت الأجهزة الكهربائية بس شريت الفرن والشفاط ولونه ستيل البعض قالي انه الاستيل مو زين لانه يبقع بس بعد رفيجاتي مجربين يقولون عادي ما يبقع خبرك استخدامي راح يكون خفيف للحين مااعرف اطبخ !!!!
بالنسبة للثلاجة مخططة اخذ LG لأن ثلاجة بيت امي ممتازة نفس الشي، المكيفات مافيش على مكيفات بيرل، والغسالة خططت اشتري الغسالة الأتومتيك اللي مفتوحة من الجانب مش من أعلى، ونفس الوقت هي غسالة ومجففة أيضاً وايد يمدحونها بس للحين ما حددت اي شركة.

ما عندي خبرة وايد بس انا هالاسبوع المفروض اكون خلصت تجهيز الشقة من الأجهزة الثقيلة.

بغيت اسأل عن الأجهزة المفيدة للمطبخ مثل الخلاط شنو زين وياريت اسم جهاز يكون شامل

شكراً

شوفي يالغلا لاتتعدين كينود متكامل من مجاميعه !

اذا جربتوا مثل هالاشكال قولوا لي كم سعرها وكيف استخدامها

بالنسبة للخلاط اختي ترى انا مرررررره ميح مالي خبره
يمكن الاخوات المجربات يقدرون يفيدونك وبالمره يفيدوني

مشكووووووووووورة اختى احلى سيلين الصور حلوة وايد وتشرح القلب
وانا حبيت اضيف خبرتى للبنات عن افضل الاجهزة اللى جربتها
الغسالة ماركة بوش الالمانيه
المكرويف عندى من 4 سنين ماركة ال جى وايد حلو وعملى
البوتجاز وايد انواع انا اللى عندى ماركة لا جيرما الايطاليه بس ما عجبنى وايد زين ويمشى الحال وفرنه قوى بس هذى ميزته
غسالة الصحون ان شاء الله بشتريها وصارلى شهر ادقق واقرا منى منااااك
وطلعت بنتيجة : بوش ، جنرال الكتريك ، ويرلبول ، ال جى
الخلاط : للكيك والخفق براون وللصلصات والدقوس ما فى احسن من سونى القديم اللى على شكل ابريق
الثلاجة انا عندى ويرليول الامريكية صارلها 12 سنه ماشاء الله وتبريدها هو هو مازودت فيه غاز ولا شىء تبارك الرحمن
بس اخذى باعتبارك ان لا يعلى على المنتجات الامريكيه والالمانيه وثالثا اليابانيه
وانتى روحى السوق وطبى وتخيرى بس نصيحة سوى نفسى اذا بتروحين تشترين جهاز وتبينه يعمر عندك اخذى ورقه وقلم ومرى وافترى على كل وكيل وسجلى عندك مميزات كل جهاز وكم يسحب كهرباء وسالى عن قطع الغيار واهم شىء الصيانه لازم يكون لهم ورشة قريبه عندك
وتالى اختارى اللى يناسبك
وبالله التوفيق

الله يسلمكم اخوتي حوا البحرين ولانا جوانا ويجزاكم الف خير
معقوله يابنات محد يقدر يفيدني لو بجهاز واحد اذا كنتم تعرفون
والله يجزاها الجنه اللي بتفيدني


اختكم
احلى سيلين