ساعدوني اخواتي والحل مع طفلي

انتبهي لا تكون عنده حساسية القمح راجعي دكتورة اذا مافيه شيء أعطيه مرق حلبة او فاتح شهية وقاطعي الحلويات والشبسا

اختي انتي بالرياض يمكن ولدك معه عظيم نازل بعضها يقتل الأطفال روحي لمستشفى الفيروز الأهلي بالرياض اتصلي ع الاستعلامات يعطوك رقمه تكلمينهم وتستفسرين من مواعيدهم ويعطونك موقعهم فيه دكتور شاطر للأطفال ويعرف للعظيم كبير في السن اتوقع مصري نسيت اسمه والله بس مواعيده من 9الليل اللين الفجر

الله يكافينا الشر خوفوتني أكثر 😭 😭

وعليكم السلام
وزن طفلك طبيعي مو وزن يستدعي القلق
إذا صحته ودمه كويس ماله داعي القلق
لاتشربيه المويه بالغصب خطير لو شرق فيها
اذا مايرضع كويس ,, ممكن فيه اسباب وممكن مافيه شيء بس هو كذا
والأسباب ممكن كثيرة منها فطريات بالفم ,, احتقان بالحلق ,, تسنين
اعطيه سيريلاك اذا يرغب له
ذوبي بسكوت في حليبه
واعطيه بسكوت الأطفال ياكل

وممكن الحليب مو عاجبه

المهم تاخذيه للطبيب وشوفي اذا مافيه شيء يخليه يرفض الرضاعه ممكن مااعجبه الحليب
واهم شيء اخذي تحليل على دمه اذا كويس لاتشيلين هم
واذا نازل فهو سبب لرفض ولدك التغذية لأنه نزل الدم يسد الشهية

انا ولدي مثل عمره بالغصب يشرب المويه صرت احط قطعه صغيره سكر نبات فالرضاعه مع المويه عشان يرغب فيها ويشربها اخاف عليه من الجفاف