السلام عليكم ورحمة الله وبركاته
انا والله ضاق صدري عليه ودموعي طاحت الله يشافيه ويخليه لك ويرجعه بصحته مثل اول
انا يااختي من رايي تودونه او تجيبون له شيخ للبيت دامه ماشاللله اول كان كامل من كل النواحي جمال وعقل واخلاق وشغل زين الله يستر من القلوب اللي ماترحم يحسدون يمكن صابته عين والعين حق اعرضوه على شيخ مافي احسن من القرايه ترد له باذن الله عافيته

يااخواتي مشكورة على ردكم ....يااخواتي ابكيم تدعو له انه يرده مثل اول ولو فيه طبيب يجي لو على حسابي انا بجيبه في شيء نسيت اذكرة لكم قبل شهرين وهذا الي خلاني اخاف عليه اكثر راح للبنك وسحب تقريبا 230 فلوسة الي باقيه له وكلمني علشان اجية وقال اذا متت او صار شيء لي العمارة لك وانا بروح لمحامي وبشوف الاجراءات في حال موتي وهالفلوس خليها معكي لاني مو بحاجه لها انا الشقق تصرف علي من بعدها ياخواتي وانا في نفسي حاسه انه بيسوي شيء بعمره والله اني ابكي الحين وانا اكتب لكم زوجي جاب له شيخ مرة وقال للشيخ روح مرة على هالبيت وراح الشيخ لبيته ورفض انه يجلس معه ياخواتي لو شفتو عيونه امس والله والله والله لاينكسر خاطركم بكيت لما راسي طاب ابي اغيرة ماني قادرة رحت لااهل الشباب الي يعرفونة علشان يروحو له ويطلعو بس برا البيت يغيرو جو عليه لما راحو له بغا يسوي مشكله معهم وصار يتكلم بدون عقل ويقول انتم جايين تتشمتو فيني انتم تبو تتفرجو علي ويقول كلام والله انكسر خاطري خالاتي واقاربنا صار يقول لهم انا اكرهكم ولا ابي احد يقرب مني او من اختي ولا ابي صله الرحم ولا ابي مساعده احد احسه منهار وعزة نفسة وكبريائة راديته

والله يااخواتي اني متضايقه واني خايفه عليه والله ثم والله لو انه سيتاهل لاااقول الله جازاة وانه تخفيف ذنوب حتى لما فصل من عمله فصل لانه تعقد نفسيا انا حاسه فيه واعرف ليش فصل ولما طلق عذرته وحتى خطيبته عذرته احسه متحطم ولو يسمع كلامي والله لااودية وين ماكان بس استحي منه لانه مثل ابوي ولا اقدر اني اضايقه بكلامي والله يااخواتي حاولت انه يطلع حتى من المنطقة الي حنا فيها يمكن هي الي عقدته يمكن لو يطلع برا المنطقة الي حنا فيها يتغير ماكان كذا اصلا ياربي ساعده يااخواتي ادعو له انه يتغير ومايسوي بنفسة شيء

طيب بروح اكتبه في المشاكل الاجتماعية والله يخليكم تدعو له ومشكورة على ردودكم

أختي نصيحة زوجي ... شوفوا شيخ فاضل يعرف يتعامل مع هذه الحالات ... مش قصدي راقي ... لا قصدي شخص يقدر يكلمه ... إذا هو يصلي في المسجد خل الشيخ يقابله هناك... ويحاول يدخل عليه بأسلوبه

وذكريه بأحاديث النبي (صلى الله عليه وسلم):

وفي الصحيحين عن أبي سعيد الخدري وأبي هريرة رضي الله عنهما عن النبي قال: " ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه " .

وعن أبي يحيى صهيب بن سنان قال: قال رسول الله : ((عجبا لأمر المؤمن، إن أمره كله له خير وليس ذلك لأحد إلا للمؤمن إن أصابته سراء شكر فكان خيرا له، وإن أصابته ضراء صبر فكان خيرا له)) رواه مسلم.