ساعدوني اخوي قطعني سنين في اصعب ايامي بسبب زوجته بأي حق ؟ 💔😭

انا زوجي مريض نفسي شكاك بخيل مع انه دكتور ماعندي اخوان اشقاء وعندي٣ اخوان من ابوي وعلاقتنا كويسة مكتفية بعيالي واخواني وكان اخوي من ابوي مدلعني ويصرف علي الاف قبل ٤ سنوات تزوج اخوي من ابوي على وحدة من نفس مدينتنا تدرس طب رغم انه قد قال لي بيتزوج من خارج محافظتنا لانه يشتغل مدينة ثانية وحتى انه اجبر اهله عليها تصير اخت صديقه،،من كثر معزتي عنده كان لما يجي من السفر يقعد عندي بالويكند كان يترك امه ويقعد عندي وينام عندي وواقف بصفي ضد ظلم امه واخواته لي .. فيه مره كانت سيارته خربانة جانا بالويكند بسيارة صديقه وهو مسافر خرج من بيتي وانا اطالع بالشباك مر عليه صديقته ومعه اخت صديقه اللي تزوجها بنفس السيارة كانت جالسة ورا لانهم كلهم كانو يدرسو برا مدينتنا
‏وافتكر امه كانت تبي له بنت خاله لكنه صمم واجبر الكل ع اخت صاحبه المهم انه تغير كثير علي بعد زواجه بسبب زوجته ومايعطيني ولا ريال رغم انه عارف ظروفي وزوجي كيف بخيل وكل فلوسه سفريات كل سنة هو وزوجته اوروبا حرفيا كل ست شهور او سنة بالكثير

المهم اللي صار بيني وبين زوجته كلها مواقف ماتذكر
‏انا اتكلم ع نيتي افتكر زارني هو وزوجته وهم عرسان وقلت له هذا اللي بياخذ من برا مدينتنا اخرك اخذت نفس مدينتنا
قال المهم انها بتعيش معي مكان شغلي وكليتها نفس المدينة الي اشتغل فيها وانا كنت امزح تفاجات انها شالت بنفسها
‏ بعدها زارتني ثاني قلت لها هذي الي مابتحمل الا لما تخلص دراستها الحين اخرك حملتي من ثاني شهر وقلبت وجهها فيني ونا ماقصد
‏ومرة جوني بعد ماولدت ببنتها تبارك لي بتخرج بنتي من الجامعة وحطت لي صحن باتشي وثلاث الاف وورد وطبعا اكيد من فلوس اخوي لكنه خروف لما زوجي سال اخوي وقال له ليه تكلفت قال مو انا زوجتي الي جابتها

‏ نفس الزيارة قلت لها المفروض تحطي مويا حارة وشنطة كاملة وغيارات للنونو لسا ٦شهور عمرها مو تكتفي برضاعة وحدة فقالت لي '' انا مكتفية لان والله جايه ابارك لك وماشية مابطول عندك لان زوجة ابوك واخواتك جايين عندي بيت اهلي الحين معد فيه وقت مقدر اطول عندك!! ''
وقصدها تقهرني لان تعرف علاقتنا مع ام زوجي وبناتها سيئة

‏وشبه قطعتني بعدها مقهورة عشان ماشكرتها ع الهدية اللي جابتها لتخرج بنتي ،، ومحروقة انها تخرجت من الطب وما ارسلت لها مبروك ع صورة تخرجها بسناب ومارديت لها هدية لتخرجها وكأني اجبرتها تجيب لبنتي
بعدها سوت لي بلوك من السناب
‏الزبدة اللي حصل الحين بنتي تكلمت لصديقات زوجته وكل اللي كانو بنفس المدرسة ويعرفوها وقالت لهم انها سحرت خالها اللي هو اخوي وغيرته علينا ووصلها الكلام وعبت راس اخوي وتخيلو بعدها للحين سنتين اخوي قاطعني بسببها حسبي الله عليها💔
‏تخيلو من بجاحتها انها تفتش جوال اخوي وشافت رسالة ارسلتها له ونكته وغير مقصودة وحتى اخوي ضحك ع النكته بوريكم النكته ((طبيب نفسي ينصح مريض: عندما يحين موعد النوم اترك كل المشاكل خارج البيت ونم بهدوء . معقول يادكتور ؟ اترك مرتي تنام في الشارع.))
‏ورسالة ثانية مقطع فديو عن المراة النكدية نكته وكأنها هي محور الكون وانا انا قاصدتها ! وطبعا عرفت انها حاقدة لما رحت ازور ابوي زوجة ابوي تقول لي سيبي ولدي وزوجته فحالهم لاقلب عليك يالمخببة انتي ورسايلك 😳