ساعدوني ارجوكم انافي حيره

هلا أختي أمون..

بصراحة نفس السالفة صارت لي في عرس حماي عجبتني تنورة حلوة وايد بس كانت قصيرة من طرف واحد وكان ودي ألبسها وحتى رحت الخياط عشان يرسملي عليها توب (قميص) بس ماأدري ليش تراجعت في الآونة الأخيرة ..الموضوع هذا كان قبل سنه من اليوم...................
أقدر أقول االحين الحمد لله الحمد لله الحمد لله ألف مرة أني مالبست ذيج التنورة ولا عصيت رب العالمين، تأكدي أختي إن الحشمة سبحان الله تزين المرأة وتخليها أحلى في عيون الناس وعيون نفسها طبعاً،، أتعرفين أمون،، (أنا قلت أمون عشان أسمك مثل أسم اختي وإنت أختي في الله طبعاً :) إتعرفين أنا دايماً أحس يوم ألبس شي عاري أو يطلع الصدر أو أجزاء من جسمي وخاصة في الأعراس والحفلات أني ما أكون مرتاحة وشكلي مبهدل وحالتي حالة خاصة وأني طول الوقت أحاول أستر اللي طالع من عيون الحريم...فاقول في نفسي ليش سويت جي في عمري مب لو كنت لابسة شي ساتر أحسن لي،،وأعاهد نفسي إن المرة الجاية بكون أكثر حشمة إن شاء الله ،، والله يعيني على هاي النية ويثبتني عليها.
أسفة طولت عليج يالغالية

اذا تبين حل ... ركبي على هذيك الجهه شيفون .. ويكون الشيفون عليه حركه يعني يا طايح يا مقصقص
والحين اشوف طاحو بالتل .. جربي تل


وعلى قولتك هالسوق صار يحكمنا باللبس

ركبي له زي البطانه مقصقصه وحركات مايله من التل وشرايط الدانتيل العريضه000
تراها بتخلي التنوره احلى00
ومنها ارضيت ربك وضميرك000