ساعدوني ارجوكم زوجي يخوني

ما ادري يا اختي ايش اقولك الله يهداه بس احسك لما عرفتي اول مره بانه يخونك على قولتك اتسرعتي ورحتي لاهلك وانتي كنت عارفه انه دايم يوديك هناك علشان يخلا له الجو يعني انتي خليتي له مجال اكثر انه يخونك ،، وبما انه له سوالف من ايام الثانويه فما اعتقد انك راح تغيرين طباعه بسهوله انتي راح تتعبين معاه بس وحده وحده اجلسي معاه جلسه صريحه وخليه يتكلم ويطلع اللي بخاطره وايش اللي يلفت نظره برا وايش اللي ناقصك بنظره طبعا وخلي فرفوشه خليك بيتك وناسه واللي يدخله ما يحب يطلع منه يوم الجمعه اختي لا يمر كاي يوم نامي الخميس بدري وصباح الجمعه نظفي البيت كله وجهزي ملابسه وبخريهم بعود وبخري البيت بعدها ضبطي قهوه وشاهي وشغلي محاضره دينيه تنفعك وتقربه هو اكثر من الله وبالتالي يقلع عن المعاصي ... الدعاء اخر الليل لا تهميلي هذا الجانب

هذا الجمعه وهذا طابعه وهكذا كل يوم له طابع جديد ومختلف مثلا الاربعاء بالليل يكون شوي ولما تروحين لاهله او اهلك تروحين وترجعين معه ولو قعد خمس دقائق اقعدي خمس دقائق وامشي معاه ولما تروحين للمول معاه اخذي رايه في كل شئ واعزميه على كوفي واذا تذكرت شئ ممكن ينفعك راح ارجع ،،،، باختصار حاولي جذبه لك واسال الله ان يهديه ويسخره لك يارب

مايستحقك هاالرجال
الله يعينك عليه

حبيبتي شوفي الرجاجيل مايملا عينهم شي

وحاولي انك تكسبينه ولاتنفريه منك وحببيه في نفسك اكثر

وحسسيه انك احلى منهم واذا يحب الدلع دلعيه واعزميه في مطعم وحطي مكياج كامل والبسي احلى لبس

وحاولي تكوني دايم جسمك نظيف وريحته حلوة واعملي له مساج قبل لا يناام وغيري ملابسه حسسيه انه طفل وراح تكسبيه

واذا مانفع ذكريه با الموت وانه بيجي يوم وربي بياخذه وهو على معصيه وجيبي له قصص

وحطي على سطح المكتب قصص عن المووت والغفله واذا مانفع معه

قولي له روح تزوج ثانيه احسن من الي قاعد تسويه قولي اقبل بضره وما اقبل با الخيانه

الدبلوماسيه سندريلا ام ريما الصغيره شكرراا على تفاعلكم معاي

ياقلبي انتي
اللي زاد الموضوع توتر هو بعدكم عن بعض
يعني على قولتك صار بس بيينكم جيبي غدا حطي غدا
أوكي قلبي أنا بقولك شغله
دائما انصح كل وحدة بالحوار الهادئ المثمر
مو الصراخ وكل واحد يطلع عيوب الثاني وفي الأخير تصير هوشه وزعل
حاولي في يوم تغيرين كللل شي وكل أسلوب
يعني مثلا ابدئي بنفسك ... البسي لبس ماعمرك لبستيه وصيري بأحسن صورة وكأنك عروس
ثانيا المكان الللي راح يصير فيه الحوار ,,, مثلا غرفة النوم وهو أفضل مكان
غيري من شكلها ورود مفرش جديد اضاءة جديدة امممم طاولة عليها صحن فواكه وكوبين عصير وتورته مكتوب عليها
مثلا (( أحبك ياأبو فلان)) عشان يحس انه زوجك ومو بس كذا ان بينكم ولد
نحي لدورك في ذاك اليوم
سوي ديلييت لكل تصرفاته واشتري كتاب للعلاقات الزوجيه اي كتاب تحسينه حلو وممكن يأثر فيه والأفضل يكون ديني مع شريط ديني
وحطيه بعلبه وغلفيهم هذي هدية غير الهدية الأساسية اللي لازم تشترينها
والمناسبة : بداية حياة جديدة (خليها مثلا شي يحبه مثل عطر يحبه أو بيجامه أو أي شي وانتي أبخص )
بما انه مثل ماقلتي له علاقات نسائية ,,,
سوي مثل مايسوون اللي يستانس معهم ومخليه مبعد عنك
يعني واعديه (( برسالة جوال ارسلي له حبيبي اليوم عندك موعد مهم جدا وضروري ياليت تتفرغ له ,, واذا سألك وين ووشو لاتقولين له شي قولي اذا رجعت البيت بتعرف بس ارجع بدري وضروري لأن الموعد مهم للغاية))
حسسيه بأهمية الموعد وانه لازم يجي ..
اذا وصل خلي الجو غييرررر ,, يعني مثلا اذا كنتي من النوع اللي مايستقبله اذا وصل او مايعطيه أي اهتمام
بهاليوم استقبليه واحضنيه وقولي له وحشتني.. هو راح يستغرب اذا كانت هذي أول مرة تسوين فيها كذا
ودخليه لغرفة النوم وحاولي تبهرينه بلبسك وأناقتك وشكلك وشعرك وكلامك وأنوثتك كااااملة
الشي الثاني دلليه طول الوقت بعبارات الحب وناديه بالكلمات اللي يسمعها من اللي برا ويواعدهم
( أهم نقطة هي في العلاقة الحميمية .. وأكثر الرجال مايسوون علاقات برا الا للبحث عن الجنس)
وانتي قايلتها انك شفتي رسايل كلامها جنسي ..معناها انه راح يدوره برا ولقى مين يشبعه برا
(ركزي على هالنقطه اذن)
واعترفي بينك وبين نفسك انك مقصرة بهالجانب
قولي له اعرضي عليه باسلوب مثل الأسلوب اللي قرأتيه .. أسلوب غير مباشر وفي نفس الوقت يخليه يرغببك في هذا الوقت
والأساليب كثيرة سواء بالحركات أو اللمسات أو الكلمات
لاتقولين ماأعرف وماأقدر ,, لأنك لو قلت كذذا لاتلومين نفسك انه يروح يدورها عند غيرك
أوكي؟؟
هو يبي كذا يبيك أصلا من هالنوع ولا ماكان دوره عند غيرك .. أوكي قلبي؟؟
انتي في هذا اليوم انسانه جديده .. انسانه ثانية
عرفتي تحتياجات زوجك وتبين تلبينها له
طيب.. اذا سويتي كل هذا اجلسي جنبه وحاولي تقولين له بأسلوب العتب وابدي بالكلام عن نفسك واللوم على نفسك عشان يتفاعل معك
قولي له انك ودك تبدون حياة جديده وانك سويتي كل هذا اليوم لأنك حسيتي بتقصير من ناحيته وحقك علي
وانا عارفه ان هالشي اللي تسويه يأنبك ضميرك عليه ومو راضي .. يمكن التقصير مني بس أنا خلاص بغير من نفسي وأسلوبي
بس ابي أعرف وش اللي مو لاقيه عندي أو الشي اللي تتمناه يصير فيني
هو راح يتكلم ويقول ويتفاعل انتي وقتها تكونين ماسكة يده بحنااان زوجه وحاضنتها لصدرك
وهو يتكلم في نص كلامه قاطعيه ببوسه على خده أو بكلمة (أحبك) صدقيني راح تترك في نفسه أثر عظيييم وراح تخليه يخجل من نفسه
ثدقيني ياقلبي ماسلك هالطريق الا لأنه يبي شي ومالقاه عندك
عاد انتي من كلامه اعرفي شنو .. علاقة حميمية أو كلام غزل أو اسلوب حوار أو عدم اهتمام ...!!!!
اللي يكلمهم تستغل وضعك والشي اللي مايلقاه فيك وتسويه له عشان تكسبه
افرضي مثلا انه يقول : ان زوجتي اذا قمت الصبح اروح وهي نايمه نفسي انها تقوم تسوي لي فطور وتصحيني ببوسه وكلمة أحبك
... هذي اللي يكلمها وش بتسوي؟؟؟ بتصير ترسل له رسالة الصبح وتقول حبيبي يله قوم اصحى ياحلو اممموووااااه على خدك ياعسل ليتني عندك اسوي لك فطور وأكلك بنفسي
هو هنا يبدا يحقد عليك وبيروح لهذي اللي يكلمها بيحطك معها في مقارنة وبيصير يكره حياته معك في كل شي .. هذا مثال بسيط
فانتي انتبهي حاولي تعرفين من نفسك انتي مقصره في أي جانب وصدقيني حردتك عند أهلك وانه قال بتغير ورجعتي ومافاد فعلا مافاد .. لأنك رجعتي ورجعتي لوضعك اللي يكرهه وماتحمله ورجع انتكس لعلاقاته
ابدي من نفسك غيري حياتك وأسلوبك والحياة مو طبخ ونفخ وبس ..!!!!
لو انها بالنسبة لزوجك كذا ماكان التفت لغيرك
أنا ماأحط اللوم عليك هو ينلام بعد بس الزوج مايمل ويهرب من البيت الا لأنه فقد شي وراح يدوره برا
وآسفه ياقلبي اذا قلت أي شي يزعلك بس وربي اني حبيت أعطيك حل وجربي وشوفي ولا تقولين مافاد
جربي مره مرتين ثلاث هو من نفسه بيقول أنا فعلا مقصر معك
وصدقيني لو تعطينه شريط ديني عن العلاقات الزوجيه يسمعه وهو رايح للدوام راح يتعظ
ودامه يحب النت حاولي برضو تحطين له قصص تخليه يوب ويأوب الى الى ربه وقولي له من دق باب الناس دقوا بابه
الرجال يخاف من هالشي ويخاف من خيانة المرأة مثلا قولي له كثير حريم متزوجات عندهم علاقات كنت استغرب بس لما عرفت السبب بطلت عجب .. طلع لأن أزواجهم مايشبعونهم جنسيا وانهم بعيدين عنهم فراحت تدور علاقات برا ..
يعني من هالقصص
وصدقيني الا مايبطل هالشي وياقلبي الله يكون معك وادعي له بالهدايه وان ربي يبعد عنه بنات الحرام ويسخره لك اللهم آآآميييين
ان أفدتك مابي منك الا الدعاااء لي ياقلبي
واعلمي اني ماكتبت لك هلمشاركة الا من حرصي عليك
(أحبك في الله)