ساعدوني ارجوكم عقلي حيوقف من كثرة التفكير

مساء الخير يابنات

حبدا في الموضوع على طول
جوزي كان داخل في شراكة بين رجل وزوجته
وهو للاسف ماحطش النقط على الحروف في مايخص وضعه معاهم واستحقاقه المالي وكدا
لان في الاول كانت الامور لسة قيد ال***** لكن حتى ال***** الناس بتاخد عليه راتب او نسب او او او
المهم الموضوع ده دام كتير نقدر نقول اربع سنين ***** الشركة وتعب جدا بصراحة وانا اشهد على دلك وكنت بساعده احيانا بعد ماكانت حبر على ورق بكل ماتعنيه الكلمة من معاني وكمان الورق ده كان عليه مشاكل وحاجات كدا قضاءية هو حلها ليهم
بقت شركة وموقع التكروني ومكاتب واجهزة وووووو
بدا الشغل والناس لسة مش عاوزة تتكلم في ماديات واستحقاقات وانا بصراحة من الاول قلت له اكتب كل شي حتى الدين بيقول كدا اكتب حاجاتك ولما تبقى تيجي فلوس تاخد مستحقاتك بس هو كان بيشوف ان مش دلوقتي لما اكمل وهما مش حيظلموني ووووو

المهم جت الفلوس والناس مش متكلمة وهو ساكت والاكبر من كدا انهم وقفو على رجليهم وبداو يشتهرو واتعرفو وبدا في مندوبين وناس بتشتغل في السوق بتتواصل معاهم بشكل مباشر وبيعملو اجتماعات من غير مايقولو

المهم وقتها هو فاق وكلمهم على مستحقاته قالو له اوكي بس لما يحلها حلال بس جيب لنا ورق بالكلام ده وفعلا راح وعملو اجتماع المهم ان الست دي وجوزها تغير تعاملهم معاه جدا لما طالب بحقه وحتى ماسمعكش كلمة شكر منهم وواعدوه عند اول فرصة كياخد حقه وللاسف تغيرو جدا وتمسكهم بيه قل وماحسش انهم عاوزينو معاهم تاني تخيلو ماحسش بكدا وانا شاهدة

الحاجات دي وجعتو جدا جدا وربي شاهد علی تعبه كان يقصر في شغله الخاص وفب البيت واحيانا يدفع من جيبه والله.

المهم ان الناس دول اكلنا معاهم عيش وملج والست دي كانت بتبات معانا احيانا لما جوزها يكون مسافر ادا عندها شغل مع جوزي يروحو بدري من بيتنا الى الدواير الحكومية ويعملو مشاورير للشركة
هي في سن والدتي
وكنت بحبها جدا وهي كدلك
وكانت ملاد لي في الغربة في اول سنة
وبيننا اسرار وحكايات ونصايح وحاجات نساءية بعيدة عن الشغل



انا دلوقتي وضعي صعب مش حابة اقاطعها وهو زعلان بيقولي لو هي كانت ست بيت في بيتها وزوجها هو الي شريكي مالهاش علاقة بالشغل عمري ماكنت اقولك قاطعيها ابدا انتي حرة وهي مالهاش دنب لكن هي اكتر من تسعين في المية من الشغل وتعب زوجي كان على ايديها لان زوجها دايما مسافر شغله برا وزوجي كان مقدر انها ست وكان بيشتغل بكل ضمير معاها وهي بتشرف على الحاجات وهو بيعمل كل شي . كان حاسس كانها امه وما بخل في اي شي لا افكار ولا وقته ولا حاجة. وهما دخلو من الباب ده انت زي ولدنا وووو


انا بقى مش عارفة اعمل ايه هي صحيح من لما تكلمو في الفلوس-قرابة سنتين ولسة ماشفناش منهم حاجة- بقى في الاول كلامها قليل جدا في التلفون وانا كلمتها مرتين كدا

بس من اخر مرة قالو له اوك وهما شغالين وربحانين ومش عاوزين يدولو فلوسو -بيغيرو عفش البيت ويسافرو وووو -ده غير احساسه انه ضيغ سنين من عمره من غير فايدة يعني التقدير المادي مفيش والاكتر والي واجعه التقدير المعنوي للاسف مفيش برضو



اانا والله بقيت بفكر فيها كتير لدرجة احلم بيها وعملت لي عقدة فحياتي بين نارين اني مش عغوزة اقاطعها وخايفة علی نشاعر زوجي وده غير انا كمان شايلة منها.


عرفتها على اهلي وخصوصياتي


وبقت هي من وقت للتاني تبعنت لي بس تسال عني بالوتسب وبرد عليها بس مبقولوش عشان ماازعله

اخر مرة من اربع شهور واكثر عملت لها بلوك لانه بصراحة كل ماتبعت لي ابدا ابكي واعصب واتوتر وافكر وانا اصلا مش ناقصة عندي مشاكل فالانجاب وفغربة . وهي كمان لما تكتب ترمي جملة كدا من قبيل انا بسال من باب معرفتي باهلك و و و وبحس ان الكلام ده بيزيد يستفزني اكثر وهي لو كانت صادقة تتصل وتسال المهم اكثر من 4 شهور لابتتصل ولاحاجة وبحكم اني عاملة لها بلوك مفيش رسايل . وانا مش قادرة اتصل عليها وبصیاحة مش عاوزة

واخر رسالة بتقولي كانه انا بسال عنكي عشان العشرة ومعرفتي باهلك وكدا كانها بتعاتبني وبتحسسني بالدنب وهي ماشايفة نفسها اش مسوية مع جوزي



هي صجيح عملت معايا حاجات كتير كتير كويسة وانا اكتر والله شاهد

كمان انا مش عاوزة اتدخل واقول لها عملتو كدا وكدا وكدا هي ست قد امي ومش عاوزة ادخل معاها في نقاش وكمان جوزي مش حيكون راضي كاني بدافع عنه او بجيب له حقه وهو مش ضعيف لكن نعمل ايه الناس لما تكون محتاجة للناس تتقربب منها ولما تتكلمي عن حقك تبقي انتي مش كويسة وووو





امبارح جيت من العمل لقيتها كانت متصلة عالبيت ورجعت حسيت كل الاحاسيس دي اللي فيها تناقض غريب وبيخنقني مش عارفة ارجع اكلمها قبل مايجي زوجي عشان مايزعل ولا اطنش ولا اعمل ايه. كنت ارتحت من 4 شهور كدا وبدات انسی .


اسفة طولت عليكم ياليت الحكيمات يفيدوني.