ساعدوني اعلم بنتي الحمام ولا تستجيب

رفع

تعليم الحمام صعب ويبغاله طووولة بال
المدة حسب استجابة طفلك اذا تبغين اجلي شوي لحد تكبر شوي وتفهم

خليها شوي توها يبغالها وقت وبعدها باسبوع بتتعلم

توها بنتك على تعليم الحمامولدي نفس عمرها ماعندي نيه اعلمه الين يكمل ثلاث سنواتلان راح يصير فيها هواش وصياح عليهم لو سوى شي بالأرض الأفضل بعمر ثلاث سنوات يصير فاهم شوي

عمرها مرة مناسب. كبرت على الحفاظة خلاص. بس توك أسبوع ما أمداك تضربينها مسكينة لازم تطولين بالك.. كذا بتجيبين نتيجة عكسية..
لا تنسين إنها مرحلة صعبة بالنسبة لها هي أكثر منك. اعتبري انك معاها فريق واحد وعندكم مهمة لازم تنجزونها.
انتي حطي لها النونية في الصالة وقعديها عليه وشغلي لها رسوم،، أو شغلي لها فيديوات تعليم أطفال على الحمام من يوتيوب.
وعلميها على النونية وقولي لها كل مرة تسوين فيه ناديني وانا أعطيك حلاوة أو هدية أو أقول لبابا يودينا الألعاب،،


أنا أقول لك عن تجربة لأن ولدي تعبني في التدريب الله يحفظه.. تقريبا مدة شهر أعلمه وانا حامل.
حاليا خصصت له حمام له هو بس خليت بابه مفتوح،، وهيئت المرحاض إن يقدر يقعد عليه بدون مساعدة.. وتعلم يسحب السيفون ويغسل يده بعد قضاء الحاجة الحمد لله.


أهم شي الصصصصصصصصبر صبري عليها وكثري مكافآت ووريها فيديوات وكرري على مسمعها طريقة دخول الحمام وطبقيها معاها وكأنها لعبة مو مهمة عسكرية.