ساعدوني الإجهاض المبكر وإبر الهيبارين والكورتيزون؟؟؟

السلام عليكم كيف حالكم أخواتي أنا جديده معاكم بالمنتدي

بدخل في الموضوع علي طول أنا صار لي متزوجة من سنتين ونصف وحملت خلالها ثلاث مرات بس أجهضت وفي الحمل الاول أجهضت بالثاني وكان كيس بدون جنين والمرة الثانية أجهضت بعد أسبوعين من موعد الدورة والمرة الثالثة أجهضت بعد أسبوع من موعد الدوره يعني كل مره عمر الحمل يقل .

سويت تحليل الحصبة الألمانية والتكسوبلازما وطلعوا سليمين الحمد لله وسويت أشعة الصبغة للتأكد من الرحم والأنابيب وماشاء الله طلعوا سليمين مافيهم مشكله وتحليل زوجي تمام الحمدلله.

والدكتوره قالتلي يمكن السبب يكون بيحصل عندك تجلط بالدم ولايصل الدم للجنين عشان كذا بيصير إجهاض ويتوقف نموه وقالت المره الجاية راح تعطيني إسبرين وأبر الهيبارين اسمها الأنوهيب 4500 لسيولة الدم ووصوله للجنين وحبوب كورتيزون إسمها بريدنيزولون 5 ملجم بالإضافة للمثبت من بعد أيام التبويض عشان لوصار حمل يوصل الدم للجنين من أول يوم له في الرحم لأن بيصير عندي إجهاض مبكر وقالتلي لايحتاج تعملي تحليل لأنو لو طلعت النتيجة سليمة كمان حتعطيني العلاجات إحتياطا لتجنب الأجهاض .

والله صرت أخاف أحمل من كثر الإجهاضات وخايفة هذي العلاجات ماتجيب نتيجة وأجهض مرة رابعة ساعدوني .

مين صار لها إجهاض مبكر وبعد كده حملت وربنا رزقها وإستمر حملها وأيش أخدت علاجات ؟

ومين صار لها إجهاض مبكر وأخذت إبر الهيبارين والكورتيزون وإستمر حملها بفضل الله؟

وهل يحصل إجهاض مبكر بسبب تجلط الدم وهل تنفع هذي العلاجات لمنع الإجهاض باذن الله؟

أدري أني طولت عليكم بس تكفون ساعدوني مالي غيركم.:3_3_103: