ساعدوني الاقي نفسي كيف امارس الاستمتاع

الله يسعدتس ويوفقتس

اول شي اقري قران
واستغفري

وبعدين شوفي وش الهوايات اللي كنت تحبينها قبل وارجعي لها
او حاولي تجربين وتسوين شي جديد

هلا بك حبيبتي

اولا المشاكل اللي بينك وبين زوجك حليها ابد لاتهربين منها وتكونين سلبيه تجاهها

لان هروبك هذا وقتي ..بالعكس يمكن يدمر نفسيتك اكثر لانك بتصيرين مهمومه لانها فيك فيك لاطلعتي منها بحلول شافيه وترتاحين وتنسينها ولا انتي بهروبك هذا ارتحتي اصلا!

اجلسي مع زوجك ناقشيه بالمشكله اللي تمرون فيها حليها على حسب فهمك لنفسية زوجك وقبوله

واقترحي عليه تطلعون كم يوم لاي مدينه ثانيه تغيرون جوو للشرقيه مثلا

اطلعو مطاعم جربو اصناف جديده وتكلمو بمواضيع حلوه تخصكم وتنسيكم الحياة ومشاكلها

عبري له عن حبك حسسيه انك مستعده تسوين اي شيئ عشان يرضى ويكون مرتاح معاك

اطلعي انت لزياره صديقاتك/ جاراتك/ قريبتك/

لاتنغمسين في حياتك وهمومك بالشكل الممل

والله تضيع ايام حياتك وانتي ماستمتعتي فيها

اشتركي بدورات تحفيظ قران/ مكياج/ حاسب/ اكتشفي نفسك من جديد وهواياتك

اطلعي السوق اشتري كم قطعه حلوه واكشخي فيها / غيري شكلك شوي

قصي شعرك /اصبغيه/ استخدمي جدول العنايه بالبشره والجسم ( ادخلي قسم العنايه بالبشره وبتحصلين مثل هالامور كثير)

اشتري كتب عن الحياة الاجتماعيه/ الزوجيه/ وواي كتب نفسيه تطور من ذاتك وتغيرك للافضل

( انصحك بمكتبه جرير وكتب الدكتور ريتشارد كارلسون

والكاتبه الاجتماعيه العظيمه فيرا بيفر)

ذولا لهم كتب عجيبه في تطوير الذات والتغلب على مشاكل الحياة مهما كان نوعها وقسوتها!

متأكده لو تطبقين كلامي هذا ماراح تحتاجين لاي رد بعدي

لاني هذا هو الشيئ المطلوب بحياتك وبديهي يطورك ويرجع الراحه لقلبك..

نصائح بسيطه كتبتها لك عالسريع ويارب تنفعك وسامحني عالاطاله ياغلا

انا زيييك واكثر

إقرأي ... إقرأي ...إقرأي

حاولي ترجعي لصديقاتك وتجتمعين معاهم كل اسبوع

ادخلي دورات واستفيدي

اقري كتب دينيه ثقافيه وروايات تتسلي فيها

غيري في ترتيب بيتك

خصوصو لكم ساعه معينه باليوم تجتمعون فيها وتكونين انتي مسويه حلويات او فطاير

العبي مع اطفالك ،، وخليهم يرتبون معاك البيت

وعندك منتدى حواء شاركي البنات فرحهم وهموهم