ساعدوني الدم يزيد ومو عارفه ايش وضعي

السلام عليكم ورحمة الله وبركاته

ساعدوني يا بنات نفسيتي تعبانه .. ومكتأبه

في بداية حملي .. كانت تنزل افرازات شفافه او بيضاء .. وبدت تتحول الى بني فاتح ثم اغمق .. حتى صارت نقط دم
رحت للدكتوره فورا وصفت لي حبوب التثبيت ( دوفتسون ) وقالت استخدميها 10 ايام وتعالي

مع الاستخدام توقف الدم شوي ( يمكن 3 او 4 أيام ) وبعدين رجع مره ثانيه وصار اغمق وثقيل وفيه قطع صغيره متجمده وخيوط سوداء ..

رجعت لها بعد كذا وسويت أشعه صوتيه قالت ان الكيس كبر حجمه لكن مافي نبض .. علما
ان تاريخ آخر دوره كان 20 \ 10 \ 1430
يعني المفروض ان الجنين بان نبضه

ولما قلتلها عن الدم قالت ( اتركيه ينزل .. ايش المشكله ؟؟ )) حسيت انها ماعندها سالفه .. ايش اتركيه ينزل واللي اعرفه ان الدم خطر على الحامل

والى الآن والدم ينزل ( صار لي تقريباً 22 يوم ) وما ادري هل بيحدث اجهاض ولا لا .. ما وصفت لي علاج ثاني ولا شي الا حمض الفوليك .. هو بس اللي آخذه .. أما حبوب التثبيت فقالت لي وقفيها بعد 10 ايام

انا عايشه في محافظه وماعندنا في محافظتنا الا هالدكتوره .. ما ارتحت لها ولا اثق فيها .. بس ( منحده ) او ( مضطره ) لغير الناطقين بالعربيه << مكتأبه وتنكت بعد

والحين ما ادري .. عندي احساس ان هالحمل بينزل .. ابيه ينزل وارتاح منه .. او يوقف الدم ويتم الحمل .. اختباراتي على الابواب .. وخايفه يجيني اجهاض وقتها .. لو بيطيح ابيه يطيح هالايام .. موعارفه وش اسوي .. والجماع صارلي متوقفه عنه شهرين .. وجالسه كذا .. انتظر وقت مراجعتها تقول تعالي بعد اسبوعين نشوف اذا فيه نبض ولا اتركيه يطيح .. وانا ماعندي مشكله انه يروح .. لان الحمل اصلن جاي بدون تخطيط .. يعني ماتوقعته ولا حسبت حسابه وكنت ابي أأجل كمان شوي .. لكن الحمد لله على كل حال وراضيه بقضاء الله وقدره

قريت كثير في النت .. ومالقيت شي مشابه حالتي .. مثلا .. انذار الاجاض يكون فيه الم اسفل البطن والظهر ومغص .. لكن انا ما احس بشي من هذا .. ولا وحام ولا قيء في الصباح ولا شي ..

اللي عندها خلفيه عن الاجهاض او شي زي حالتي لاتبخل علي.. هل الدم هذا طبيعي ولا لا .. صاير يكثر كل يوم ولازم احط فوطه في الجامعه وفي البيت .

. الله يجزاكم كل خير