ساعدوني الزواجات قربت

بسيطه انتي لما تاخذي كريم اساس قوليله عن بشرتك انها دهنيه وبيعطيك الكريم المناسب لبشرتك

فيه منظف للبشره اسمه سكينول حلو للبشره الدهنيه
وبرضو سوي اقنعه للبشره طبيعيه يدخل في تركيبتها الليمون لان فيه مواد قابضه تخفف الافرازات الدهنيه
اتمنى اني افدتك

جزاء الله الجميع الفردوس

اولا :
دايما سوي سكرب لبشره يعني 2-3 مرات بالاسبوع < سئلي الصيدلي او الدكتور شنو النوع المناسب لك
وسوي لك ماااسك من الروب= الزبادي= اليقورت << يشد البشره . يصيفيها ويببيضها ويعطيها الاشراق . يسكر المسامات (لان فيه احماض ) والاحماض معروفه بقدرتها على التحكم بالدهوون :)
استخدمي تونك .. عشان يحافظ على بشرتك وينظفها ويسكر المسامات << سئلي دكتور او صيدلي احسن لك

ثانيا :
استخدمي كريم اساس كانيبو للبشره الدهنيه او جيرلان للبشره الدهنيه

ثالثا :
شلون تحطين اساسك !
1) لازم تكون بشرتك نظييييفه .. مغسوله .. وممسوحه بالتونك .. ويفضل تمرير قطعه ماء ورد مثلج على الوجه
2)حطي المرطب .. لا تقولين بشرتي دهنيه ماله داعي لا له داعي عشان بشرتج ما تحتاج للترطيب وتقوم تفرز دهن ! < طبعا كميه صغيره جدا
3) حطي بيس متحكم بالدهون !! ما ادري وين ينباع وشنو الماركه الزينه ان شاء الله البنات يفيدونك
4) وزعي الكونسيلر على هالاتك و على العيوب اللي ببشرتك .
5) وزعي الاساس ... حطي طبقه ... ثم اذا احتجتي حطي طبقه ثانيه وبس كااافي
6) وزعي لوووووز باودر على كل بشرتج بطريقه التربيت = الطبطبه .. ليش لوز باودر = البودره السايبه مو المضغوطه .. لانها تمتص الدهون .. وتغطيتها افضل .. وحتى لو حصل وعرقتي راح يظل باذن الله الاساس مثل ماهو .. المهم .. طبطبي بالافنجه على كاااامل البشره .. ثم اخذي فرسه كبيرره .. ومرريها على الوجه بحركه دائريه سريعه ..


ثم .. كملي مكياجك عااااااااادي .. ثم اذا خلصتي حطي شويه بودره مضغوطه تحت عيونك وبس :)

موفقه :26: ودعواتك لي بالزوج الصالح :22: