ساعدوني الله يبشركم بالحمل السليم المعافى

السلام عليكم أخواتي
طمنوني الله يطمونكم
أنا مالي 9 شهور من تزوجت
ما استخدمت اي شي ابداً
بعد زواجي باربع شهور حملت
ومع اني وصلت لشهر ونص بحسابهم بعدين الا ان الدكتوره ما اثبتت حملي!
حتى سويت التحليل الهرموني ويرتفع وتقول اكيد حامل بس اذا جاتك الدوره تعاليني!!!!

بالله هذا كلام !!!

المهم بعدها اعطتني مثبتات وبس اخذت ثاني حبه وبدا مغص اسفل بطني شفت فيه الموت الله لا يوريكم ولا كل مسلمه!

رحت المستشفى وبس دخلت يدها تكشف الا قطع الجنين بيدها، ثم كشفوا بالسونار ولا عرفوا شي لان الجنين نزل اصلاً وانا شفته بس رجحوا انه حمل خارج الرحم!

تنومت بعدها بالعسكري اسبوع وسوولي الكشف الداخلي مرتين ونفس الشي موب فاهمين بس اعتمدوا على كلام الاهلي اللي كنت فيه انه خارج الرحم!

ما سوتلي تنظيف وقالت ما تحتاجين لانه نزل لحاله ،
المهم صرفتلي حبوب منع حمل لثلاث شهور بس اول ما طلعت قريت عنها انها سيئة وتضر ورميتها على طول !
ما حرصت على الحمل بس بدون حبوب!

بعدها بشهرين جاني الم بنفس المكان بس بقوه اخف من الاول لدرجة مااقدر امشي ورحت المستشفى ونفس الشي مافي شي بس عطوني مسكنات!

بعدها بفتره رحت للدكتوره ناديه الزرقي العراقيه اللي بالحبيب وشكيتلها بس طمنتني وكشفت كشف يدوي وقالت زي الورده على قولتها وقلت الحمدلله،

وبعدها بشهرين تأخرت علي الدوره يوم وسكيت انه حمل لاني ببداية التبويض هذاك الشهر حسيت بغثيان والم بالبطن والظهر والصدر وشهوة حووامض ونفسيه ، يعني بالعربي اعراض حمل بحكم تجربتي الاولى، لكن لا نزلت الدوره والاعراض اختفت!

وفجأه جاني بنفس المكان برضه اصعب من اللي جاني لما سقطت، يا بنات توقعته موت، ودخت والدنيا دارت فيني من الالم
رحت لاقرب مستوصف قالت يالله عالسونار بس ما قدرت من الالم لين عطوني ابر ومسكنات ومغذيه وارتحت الحمدلله،
بعدها سوتلي السونار واول ما دخلته قالت كيس!
وورتني اياه وقالت 3 في 3
وقالتلي ما منه ضرر
وحللت وتأكدت ان ما فيه حمل
بس قالت لازم تاخذين حبوب منع حمل عشان يوقف التبويض وينزل الكيس!
استخدمتها يوم ونزلت الدوره
بس المفاجأه ان الدوره يومين بس ووقفت!
مو كذا دورتي أبداً



معليش قصة حياتي
بس الله يرضى عليكم اللي عندها خبره تفيدني بأي شي