السلام عليكم ورحمه الله وبركاته ..
كيفكم يا بنات ان شاء الله بصحه وعافيه ..
و كل عام وانتم بخير .. بمناسبه السنه الهجريه الجديده اسأل الله ان تكون سنه خير لكم يااارب ..
بدخلكم في الموضوع ..
انا من زمااان حلمي اني احفظ القران و لازال هذا الحلم في داخلي ..
و قررت انه ان شاء الله بنهايه عام 1432 اكون حافظه 5 اجزاء بحول الله وقدرته .. بمعدل صفحتين في الاسبوع ..
و لقيت لي برنامج رائع فيه التفسير و قراءه بصوت الشيخ الغامدي و كمان المصحف كااامل .. فحسيت انه برنامج رائع راح يساعد و كمان ان شاء الله راح استخدم ال MP3 حقي واشغله لما اركب السياره واروح الدوام وهكذا
انا يا بناات طبيعه عملي ودوامي ما تساعد ابد اني ادخل دار تحفيظ قران ..
لانه دوامي متغير ..
وانا قررت احفظ من البيت ..
بس المشكله انا طبيعتي اعاني من النسيان .. من صغري بسبب صابني مرض في صغري واثر عليا بهذا الموضوع على المدى البعيد ..
بس برضو مصره على حلمي ان شاء الله
فأبغا اسأل صاحبات الخبره بالتحفيظ ..
هل 5 اجزاء تعتبر كثيره او قليله ؟
.. و هل ابدأ من بدايه الجزء الاول .. ام يفضل ابدأ بالاجزاء الاخيره ؟
و كمان ايش تنصحوني ؟
.. انا طبعا ما خبرت احد من اهلي و حسيت انه الموضوع دا خاص وما ابغا يدخل في نفسي شك و رياء وخاصه انه انا التزامي عادي
وابغا دا الشيء يكون بيني وبين ربنا ...
.. وفكرت اخبر اختي عشان تسمع لي و هيا ماشاء الله تعرف بالتجويد و ماشاء الله هيا حافظه البقرة ..
منتظره نصايحكم :)
و جزاكم الله خيرا ..
يلزم عليك تسجيل الدخول أولًا لكتابة تعليق.
الصفحة الأخيرة
5 اجزاء كويسه خلال سنه
وان شاء الله ماهي كثيره عليكي .. انتي قدها باذن الله
الافضل تحفظي من سوره البقره .. راح يكون اسهل باذن الله
احفظي كل يوم وجه وسمعي لاختك .. ولو يكون في احد يحفظ معاكي افضل عشان تتنافسو
ربنا يوفقك