السلام عليكم ورحمه الله
بشرح لكم قصتي وان شاء الله احصل الافاده منكم
انا لي سنه ونصف متزوجه وماحصل حمل
راجعت العياده وقالت لي الدكتوره كل شيء سليم ممكن شوي تكيسات مو صعبه
وبعدها رحت للمرخه ومسكت بطني قالت لي المبياض مقفوله عندك وجلست تعمل مساج لظهري واعطتني عشبه اطبخها واستمريت على العشبه من بعدها صار ينزل على دم اسود قاتم قالت لي افضل خليه يستمر المهم استمر لمده 16 يوم بعدها رحت لوحده ثانيه قالت اكيد الحرمه سببت لك خلل بالظهر واعطتني علاج عباره عن سكر نبات وغراء وشويت عنزروت
بعدها توقف النزف وصار كل مااشيل شيء ثقيل او يجامعني زوجي ينزل على دم اسود ويستمر كم يوم
رجعت للدكتوره وسوت كشف على الرحم وقالت لى سليم وسوت تصوير قالت المبايض سليمه
خفت من النزيف الى يصير لي بعد كل دوره جبت لي ممرخه ولما وصفت لها الدم وانه اسود قالت امرخ بطنك واشوف لما مسحت على بطني حست بمثل الكوره صغيره بالجنب حتى انا حسيتها وقالت لي هذا يمكن يكون حمل ومختلف عن مكانه الطبيعي ولا يبان بالتصوير والتحلليل لان شكله صغير
واعطتني علاج لونه ابيض وفيه حبات سوداء ولما شربتها وقف النزيف
وقالت حللي وشوفي حللت دم ماطلع في حمل وكلمتها قالت يمكن لسى مابان صغير
انا سرت اتحرك واشتغل وقلت اكيد تكذب مافي حمل
بعد اسبوع نزلت على الدوره لكن تنزف ولونها اسود كلمتها قالت انها مسافره ماتقدر تجي وقالت الدليل انه حمل ومو في مكانه انه بينزف ويرجع يتوقف ولونه اسود ..!!!
رحت لدكتوره قلت سوي لي تصوير واشعه للرحم من فوق حتى اطمن مافي امراض او اورام قالت الدكتوره انتي تنزفي بالمره مااقدر اسوي لك تصوير من اسفل
وسوت تصوير للبطن من فوق قالت انتي سليمه مافيك اكياس ولا اورام الحمدلله
ولكن الشيطان يوسوس لي ان النزيف بسبب امراض مو طبيعيه رحت اليوم لدكتور من افضل الدكاتره عندنا بالمدينه وهو خاص بالتصوير قال لي رحمك سليم وحجم المبايض سليمه والبطانه سليمه
الان الدوره وقفت لكن هل ممكن يكون كلام الممرخه صحيح اني حامل ولكن من حركتي السريعه وكثره شغل وحملي للاشياء الثقيله اني سببت لنفسي خلف (بمعنى حامل ولكن تغير مكان الجنين )
ان شاء الله تساعدوني
والحمدلله على كل حال
حنان الود @hnan_alod
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
البطانه تكون سميكه وحتى لو لاقدر الله صار تسقيط يعرفون ..
ع العموم قلبوو انا بكل شهر ينزل مني دم تكرمين بعد الدوره
ويقولون طبيعي .. البنات هنا نصحوني بالرقيا ويارب تساعدني وياك ..
صلحي اشعة الصبغه وشوفي الانابيب يمكن مشكلتك انابيب
انا 8 سنوات ذبحوني بالابر والحبوب وبالاخير المشكله بالانابيب
متضخمه وحالتها حاله .. نصيحتي لكل وحده مقبله ع العلاج
شوفي انابيبك قبل كل شئ .. قبل حتى الهرمونات
بس عندنا يستبعدون وجود مشاكل فيها مع انها هي الاساس
هي الممر لكل شئ للحيوان المنوي وللبويضه ومع هذا تكون من آخر الفحوصات
عسى الله يفرحك ياقلبي ولاتفكرين كثير ريحي بالك واسترخي
ترى بالاخير ممرخات لا راحوا لا جو << انا من اللي تعبت منهم
عشان كذا ماعاد اثق فيهم أبد ..
بيجي يوم يجي كومار - سواقنا - بيقول تراني أمرخ صارت موضه
طولت عليك ياقلبي .. ريحي بالك :)