ساعدوني الله يجزاكم خير

السلام عليكم ورحمة الله وبركاته

أتمنى أن أجد منكم المساعده..

أستقدمنا خادمه أندونسيه والمشكله أخوي طلب أنها ماتكون قد أشتغلت عند أحد قبل كذا المهم هي جات والمشكله في كيفية التعامل معها لأنها ماتتكلم عربي ولاتعرف إنجليزي إلى الحين وحنا مانعرف حتى إسمها لكن نبي نعلمها ونبي نتفاهم معها لكن مافيه طريقه نقدر نستخدمها معها لأن لغة التواصل بينا معدومه وش الحل...

لاتقولون رجعوها لمكتب الإستقدام,,

لأنها معجبتنا سنها مناسب ومظهرها وهي متلهفه على الشغل لأنها من أول ماجات وهي تشتغل وحنا معها عشان تسلك على الوضع اللي نبغاها تمشي عليه يعني أنا رتبت الرفف المطبخ والصحون والأواني وهي معي عشان تعرف أن هذي أماكنها ودورات المياة تغسلها كل يوم من نفسها ومسحت جدران البيت ورتبت ارفف المطبخ وكوت الملابس يعني شكلها راح تمشي بس المشكله كيف نوصلها اللي نبغاه وكيف نعرف وش تبغى؟

أبغى حل تصدقون إني ماقد تمنيت أني أعرف الكلام الأندونسي إلا هاللحظه لأنها فقعت مرارتنا ماتفهم وش نقولها ..والله إني أفكر أخذ أهم الكلمات بالأندونسي عشان نقدر نتعامل معها مبدائياً.

وفي النهايه قلت بشوف رأئي البنات بالمنتدى وش الحل ؟

وتحياتي لكم,,