ساعدوني الله يجزاكم خير..

اولا اشكر كل وحده دخلت وقرأت موضوعي والله يجزاها خير..

انا ما عندي مشكله وحده عندي مليون مشكله..والله احس اني ابنجن..

يمكن اطول عليكم بس الله يخليكم تحملوني ..واقرأوا الموضوع للاخر..

انا كنت متزوجه سابقا وانجبت طفل وبعد مرور سنتين تقريبا طلبت الطلاق وتطلقت..بعد ماقعدت معلقه عند اهلي 3 سنين..
جاني واحد يخطبني بعدها هذا الشخص صغير في السن اقصد مو شايب يعني ..ولم يسبق له الزواج..
قلت له ان عندي ولد..قال حتى لو عندك 11 ولد انا ابغاك..
سالته انت مقتنع فيني قال مليون بالميه قلت اهلك موافقين ومقتنعين قال كلهم مقتنعين ويبغون سعادة اخوهم وما فيه احد عارض...
وسالته انت عارف طبعي وشلون انا عايشه وشلون طريقتي قال..عارف وانا راضي فيك..
....وكان يتكلم عن ولدي عادي مع اني كنت اتجنب اني انا اتكلم عنده عن ولدي مراعاة لشعوره..
المهم قبل الزواج قلت له ابغى ولدي يعيش معي ..رفض رفض قاطع..قلت طيب اذا انجبت اطفال
قال حتى .. انا رافض قطعيا انه يعيش معنا ..قلت طيب ما اقدر اتحمل انه يزورني او ما يجي بيتي ابدا ...قال اوكي كذا انا راضي ..
المهم صار الزواج..على فكره انا عشت بمدينه ثانيه غير اللي فيها ولدي ..
بعد الزواج كل يوم يتغير شي وكل يوم هذا ما اعجبني هذا ما احبه..
صدقوني بنات كنت ما ارفض له طلب الا ما قل من الطلبات كنت ما اوافق عليها ومع ذالك في الاخير ارضخ..
اكتشفت ان اهله موافقين مجرد كلمه وكل شي يبغاني اصلحه علشان اهله واغير كل طبعي علشان اهله..
اخوه متزوج وفي نفس المدينه اللي حنا فيها ..كنت اروح لها دايم وهي نادرا ما تجي..بعدين رفضت اني اروح لها لان اعذارها انها ما تجي بايخه..اذا قلت تعالي قالت البنات وش بيلبسهم ويروشهم.......تعالي انت بس....مع العلم ما عندها الا بنتين وعندها خادمه ..
المهم صار زوجي يغصبني اروح لها ..وانا مو راضيه..يقول موب لازم هي تجي انتي روحي ...
اذا رحنا لديرة اهلي واهله ..يتكحم في تصرفاتي لا تجلسين فوق اجلسي مع اهلي..مع العلم اني انا السابعه من زوجات العيال ولا وحده تقعد معهم من اللي ساكنين في البيت..انا الوحيده اللي كنت اجلس مع اول وحده من زوجات العيال ..ومع ذالك ما قلت شي بس تخيلو اذا جلست تمسكني امه اساله ما لها داعي ..قلتي لزوجك ابغى ولدي يسكن معي..وش قالك ابوه يوم رحتي عنده؟؟تقصد ابو زوجي(مع العلم امه مطلقه من ابوه بس يسكنون في نفس البيت وكل واحد بقسم)..ولا يمسكونها حش بخلق الله...
وانا ما احب كذا..واذا طلعت مرت الولد يمسكون حش فيها واذا طلعت هذي يبدون بالثانيه ..وانا جالسه..
وبعض الاوقات اذا جلست معهم جا اخوهم الكبير يقولون لي جا اخوي..واضطر اطلع..
واذا سهرت معهم قالت امه لا تسهرين واذا رقيت لغرفتي قالي زوجي ليش ما تقعدين مع اهلي ..والله احترت..
وزجي يبغاني اغير كل شي علشان اهله لدرجة تخلي الواحد ينجن اول زوجي كان ما يقولي شي على لبسي وبعدها جت عندي امه وقامت القت علي محاظره طويله عريضه وتسال اساله والله يابنات بتندهشون منها ..تقول لي زوجك ما يتهاوش معك ابد اذا قلت لا تقول غريبه ؟؟!!
مع العلم ان حنا دايما نتهاوش بس انا ما اقولها..والله ضاق صدرها يوم قلت ما نتهاوش ..وقامت تقولي غيري لبسك..تراه ما اعجبنا زوجك ساكت يبغانا حنا اللي نتكلم..وترى الولد مو مرتاح ابدا..دايما وجهه اسود حتى اخوانه الكبار يقولون ...طيب انتي دايما مجهزه الاكل والقهوه..قلت ايه..قالت ما يهاوش اذا شافك مغيره شي في البيت..اخر شي قالت لي انا احترت معك انتي وش مسويه له!!!!!؟؟؟؟؟؟؟؟؟؟؟؟؟؟؟؟؟؟
وبالاخير قالت لي لا تعلمينه اني جيت..!!!
سكت وما علمت زوجي الا بعدين بعد خلاف صار بينا..
وبعدها بكم يوم قالي زوجي غيري لبسك وهذا لا تلبسينه وهذا ما احبه..وغيري عبايتك البسي وحده بدون اكمام..مع العلم ان زوجي مو ملتزم ابدا(((((((( لدرجة انه ما يصلي))))))))).والله لو انه يمنعني بسبب ديني كان والله على عيني وبكل رحابة صدر بس هو يقول انا ما اغيرك علشان الدين لا علشان انا ابغى كذا وهو في الاصل علشان اهله..ولا كان قالي من قبل..
ومره اخوه دق علينا وانا رديت راح هزئني وسبني سب الله لا يوريكم..اني ما تسنعت ولا اعرف التربيه وانه هو اللي مرسل امه تربيني وانهم كلهم متاذين مني واخوه اللي عندنا يبكي دم بسببي واني ما افهم وحلف زي ما جابني وسعى في الزواج انه يرجعني ....وكلام كثير..تدرون هذا كله ليش لاني كنت نايمه ودق قبل وما رديت مع العلم ان زوجي كان بجنبي نايم..
ومع ذالك قلت لزوجي خلاص كأن ما صار شي .
راح زوجي بعدها و دق علي وقال اذا جاء اخوي قولي له انت زي اخوي الكبير واعتبري ما صار شي..
انا توقعت اخوه بيجي يعتذر...جا ودخلت القهوه وقالت الله يوفقكم!!!!!!!!!!!
والله يا بنات ماعمري غلطت عليهم ولا على بزارينهم حتى ..
بس ليش اني مطلقه من قبل..انا وش ذنبي..
واذا فاتحت زوجي وقلت اخوك سبني يقولي مفروض يكون لك الشرف انه دعا لك؟؟؟؟!!!
ليه من اللي داعي لي؟؟!!
غير سالفة اهله اللي بامكاني اتحملها..
ولدي يابنات تخيلو لي تقريبا متزوجه 10 شهور والله ما عمري جبت طاري ولدي عنه..لدرجة اني اذا بغيت ارجع وجا ولدي يودعني واكثر المرات وهو يصيح والله اني ما احضنه ولا اضمه ولا حتى ابوسه وما فيه شي حادني الا بس احتراما لمشاعر زوجي...ومره فاتحته بالموضوع قلت ابغى ولدي يجي يزورني....
توقعوا وش قال ......قال استحاله ..قلت انت من قبل رافض يعيش معنا بس قبلت قبل لا نتزوج انه يزورني وقلت انك موافق ...
رد علي رد ما قدرت اتحمله وجلست اصيح من كل قلبي ..قالي الكلام اللي قلته من قبل ما هو كلام منزل من الساء علشان ما يتغير..وولدك استحاله يطب البيت..

وقالي روحي شوفيه بس لا يجي انا ما اقدر اتحمل...
وغير كذا يابنات زوجي بحكم شغله يسافر دايما وفارض علي اني اجلس عند اهله قدر ما اجلس عند اهلي ..
يابنات هذا شي مو مفروض علي ..غير كذا انا بعيده عن اهلي وولدي مو من حقي في هالفتره اللي يسافر فيها اجلس عند اهلي واستانس مع ولدي..اذا كان نقض وعده ومنعه انه يجي عندي ..
وغير كذا اهله مو ولهانين علي...
تخيلو بنات صار يطقني علشان اهله مره طلب مني اروح لزوجة اخوه رفضت قالي معناتها منتي نايمه عند اهلي اذا رحنا عندهم قلت لأ راح عطاني كف ما عمري شفت زيه (حتى بالمسلسلات!!)
قعدت اصيح وطلبت منه يطلقني ويوديني بيت اهلي ..قام يتسامح مني ويعتذر ويقول الشيطان..ورحت لبيت اهلي..وانا مسامحته بس قلت ابي ارتاح عند اهلي ..تخيلو من بكره دق علي وقال ابجي اوديك لاهلي ...علشان امي ما يضيق صدرها اذا شافتك مو معي قلت حالتي ما تسمح انا تعبانه نفسيا قال معليش تحملي..وما حط لمشاعري اي اهتمام..ومع ذالك استمر لاي خلاف يصير بينا يطقني ويكسر الاشياء اللي حولينه.. ويسبت انتي وقحه انتي ما عنك احساس انتي متخلفه مريضه..ومن هالاكلام اللي يوجع القلب...لدرجة مره رمى علي مكوى الملابس لا وثقيل بعد.. بس الحمد لله طاح تحت رجليني..
والأدهى والامر انه يقولي خلي اهلك يودونك ويجيبونك لبيت اهلي وانا مسافر..وهو ما طب بيت اهلي وما سلم عليهم الا مرتين وبس كل فترة زواجنا لحد الحين..وشلون ما يستحي يخليهم يودوني وجيبوني ما ادري واذا قلت له ليه ما تسلم على اهلي يقول مشغول مع العلم انه اول ما نوصل لديرة اهلي واهله يسلم على امه وبعدين يروح للشباب في الاستراحه..
تخيلو يقولي لا تردين على اخواتي مهما كان حتى لو يستهزؤن فيك..
تخيلو بنات كم مره اشوف ارقام بنات في جواله ومره واجهته قالي الشباب في الاستراحه ياخذون جوالي ويكلمون خوياتهم..وان متاكده انه هو مو اصدقاءه مع ان اخوياه اللي يكلمون موعذر بالعكس شي يزعل بعد.. ووقاحه ...ومر شفت رساله بجواله موجهه لبنت واجهته بلحظتها قال غلطان بالحروف بدل ما اكتب لا تتصل كتبت لا تتصلين...؟؟؟؟؟؟!!!!
حفظت الرقم بسرعه بدون ما يدري يوم دقيت ردت بنت..
يابنات والله ما اقدر اتحمله لا هو ولا اهله وصرت اخاف منه وصرت اكره البيت واكره انام معه ..صارت تجيني كوابيس منه
واللي مضيق صدري بعد انه يقولي احملي وانا ما ابغى احمل..لاني ما استقريت معه وفي نفس الوقت صرت اكره البزران ما ابغى الا ولدي وبس ..
والله يابنات حالتي النفسيه تأزمت تخيلو اذا رحت لاهلي وجيت ارجع يجلس ولدي يصيح ابي اجي معك ..ليه خالاتي ياخذون عيالهم وانتي ما تاخذيني ماما ما عمري شفت بيتك نفسي اشوفه..وانا بس اعطيه امل..
يابنات عطوني حل لمشاكي الله يوفقكم...وش الحل وش اسوي
ما ادري زوجي فيه حاله نفسيه ولا ايش بالضبط ..ولا هو يبي يتحكم ويتسيطر ..
وهو الحين ما تمسك فيني ولا يبغى يطلقني الا علشان سبب واحد ..
اول يقولي انا احبك وما ابي ابعد عنك..وسامحيني اذا غلطت..بس مره وهو معصب قالي انا ما ابغى اطلقك علشان ما اتفشل ويطيح وجهي عند اهلي..لان انا اللي مختارك؟؟!!
كل مره يغلط علي واسامحه ومرات يقول انتي السبب ..
معقوله اعيش حياتي معه هو يغلط وانا اسامح ..يغلط واسامح ..يغلط واسامح..يغلط واسامح............
ولا
يا بنات علشان انا مطلقه وعندي ولد وهو لا مجبوره اتحمل كل هالاهانات والمذله ولا وشلون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!