ساعدوني الله يجزاكم خير مااعرف اغسل الملابس :(

السلام عليكم ورحمة الله وبركاته



مرحبا بنات


اتمنى انكم تساعدوني بمشكلتي يمكن تضحكون علي بس والله مااعرف اغسل ملابسي احسها تطلع خشنه جافه وغير كذا ماتنظف :( بس المصيبه الأعظم ملابس زوجي احط عليها كلوركس عشان تطلع بيضا بس مو ذاك البياض والبقع لسه فيه.. اعرف ناس مايستخدمون الكلوركس وماشاء الله ملابس ازواجهم وعيالهم ناصعة البياض كأنها جديده وانا من غسله وحده اخربها وكأنها قديمه :( زوجي ماصار يخليني اغسل الشمغ لأني كم مره خربت عليه شماغه والحين يقولي اغسلي الملابس زين ولا خلاص بوديها كلها للمغسله والله فشيله على انه متحملني زياده عن اللزوم مااغسل ملابسه لأنها تطلع له خشنه وجافه ولا نظافه زي الناس.. حتى ملابس بنتي مااعرف اغسل ملابس الاطفال <<< ماابي اكثر عليكم وادري انكم بتقولون وش هالخبله اللي ماتعرف شي


بس الله يوفقكم دنيا وآخره ويسعدكم وين ماتروحون تساعدوني بمشكلتي هاذي وتعطوني طريقة غسيل ملابس الرجال البيضا وملابسي الملونه وملابس بنتي وبقعها واهم شي تطلع نظييييييييييييفه وريحتها حلوه ومافيها اثر وصاخه.. وإذا بتدلوني بعد على انواع الصوابين يكون احسن يمكن مشكلتي صوابيني مو زينه وتخرب زياده




وشكرا مقدما والله لايحرمكم الاجر ان شاء الله