ساعدوني الله يجزاكم خير ويفرجلكم

السلام عليكمالله يسعدكم انا عندي مشكلة ومو عارفه ايش الحل انا متزوجة من سنة و4 شهور ومن ليلة زواجنا مشاكل بسبب صديق زوجي وبنفس الوقت يصير قريبي صار سو تفاهم وهو راح وضغط على زوجي ف الكلام وزجي زعل وقلب علي ف البدايه ما بين بس بعدين صار كل شيء واضح وصار يحاول يصلح بيني وبين هاذا الشخص وانه صديقه وانه ما قصر معه ومن الكلام هاذا وهو قريب لي مره يعني حاول يتصل علي وصراحه طنشت احس بديت اكرهه من حركاته اللي يسويها بعدها زوجي قام ينضغط وحسيته مو مرتاح قلت يالله عشانه بحاول اصلح الامور وقال زوجي خلاص بخليه يجي وتفاهمو مع بعض ومن ذا الكلام وجا البيت وقام يقول اللي عنده وزوجي كان موجود وفيه كلام قاله كذب ومع ذالك سكت واشتد النقاش وصغط علي وقمت عصبت وقلت خلاص بروح ل اهلي وقام الادمي ذاك بيطلع من البيت وسوا افلام انا ما جيت اخرب بيت احد وزوجي قاله تبي تروح بيت اهلها خلها تروح انقهرت صراحه من ذا التصرف ليش كيذا وتعوذت من الشيطان وحاولت اللطف الجو ولبست وكشخت وسويت قهوه وحاولت اتقرب منه مع انه كان زعلان واخذت بخاطره وقلت له خلاص لا تدخل ببني وبذن الشخص هاذا وهو صديقك مابي علاقتكم تخرب بسببي هو مشكلته معي مو معك وراحت الايام والوفت ورجع يفتح الموضوع وقال بصلح بينكم وعزمه عندنا البيت وسويت عشاء ودنياء المهم كل الوقت صار يطلع معه في الدوام مع بعض والعصر نادي ويطلعون شغل خارج الدوام واحيان يوصل للفجر واغلب الوقت يوديني عند اهلي استغربت تونا وكل كم يوم عند اهلي المهم بو طولت السوالف كثير بس كبرت المشكله وقمت كلمت اهلي واهله وقلت الادمي ذاك خرب بيتي ومن ذا الكلام وفعلا ما قلت غلط وذاك يسوي نفسه مسكين وطيب وانقهر من زوجي انا بعدها قعدت فتره عند اهلي وزوجي صار يرسلي انتي كذابه وهو ما خرب بيتك ومن ذا الكلام وبعدها معاد دخل بيتي الادمي هاذا وزوجي صار الويكند يروح عندهم ويوديني عند اهلي ويسهر عند اخوياه مع انهم متزوجين بعدها قعدنا فتره طويله وانا حملت والمشاكل ما خلصت زوجي يبيني اتواصل معهم وطول الوقت يقولي بين السوالف شوفي انتي ظلمتي مين ومدري ايش بس ادري هو قصده خويه والحين لي فتره ف بيت اهلي لن كان يبيني اروح عند اهلي غصب وانا باقي وقت على ولادتي يمكن شهرين واشتد التقاش ومد يده وطردني وبعدها خليته فتره وفكرت في الانفصال لني تعبت وانا شاكه انه ياخذ حبوب واشياء بس ما خصلت دلبل وفكرت في الطفل ماله ذنب يطلع على الدنياء ويعيش وضع الانفصال وبيت اهلي بيئته مو مره صراحه اخواني الله يصلحهم راعين خراب واخوي الصغير خربوه اخواني الكبار وذا ولد لزم اوبوه ويكير في بيئه زينه ابي. له الشي الافضل ورجعت تواصلت معه رفض وقال يعد ما اولد رح يطلقني وانه مو مرتاح ومن تزوجنا مشاكل وان اخوياه معاد يبون يجون البيت عاشاني وقلت له انا ما منعت احد ودايم اخوانه وعيال عمه يجون ويقعدون ب الايام واخدمهم ولا قلت كلمه الحين حط الحق علي وانا اللي مكرهته عيشته مع اني لا اطلع رلا اجي ولا اطلب واللي متوفر ارضى فيه عشانه عشان ما يحس انه مو قادر يصرف ويجيب ومع ذالك مو مقدر حتى اهله ما اقصر معهم وانا احبه هو نما يشوف اي شيء انا اسويه له قايمه في بيته واكله جاهز كل وقت وملابسه وحاولت اهتم بكل الطرق بس نمدري وش مشكلته معي يبيني اتصالح مع الادامي ذاك وانا خلاص معاد اقدر بس هو الله يهديه ولا ابي اخرب بيتي وش تنصحوني