
mooolaaa @mooolaaa
عضوة فعالة
ساعدوني الله يجزيكم الجنة
يا بنات ابيكم تساعدوني مشكلتي والله مشكلة احس راح اموت من هالمشكلة مشكلتي اني وايد اضرب بنتي ومو عارفة كيف امنع نفسي جربت وحاولت اوقف يوميين وارجع اضربها هي عمرها 4 سنوات والكبيرة ودايما اذا اعصب عليها او اعصب على اخوانها اطلع الحرة فيها وبعدها اندم ندم شديد لدرجة البكاء واحضنها ولكن شنو الفايدة بعد ضربها والله مو عارفه شنو اسوي ومرات من القهر عليها اجرها من شعرها ادري راح اتقولون ما عندي قلب بس والله غصب عني كيف امنع نفسي من اني المسها والحين هي دايماً اتقول لي انتي ما تحبيبني وانتي تضربيني وما تضربين اخواني مع اني اضرب اخوانها بس اقل منها والله هالمشكلة مو مخليتني اذوق طعم النوم واحس باسلوبي هذا راح اعقدها وامس ضربتها جدام عمتي وعيالها وعورت قلبي حيل بس هي شيطانه وما تسمع الكلام والكلمة اقولها لها 10 مرات ولا كاني اكلمها وما تسمع كلامي ابدا اذا قلت يمين تقول شمال ومرات اكلمها ولا كانها تسمعني انه تعبت معاها مو عارفه كيف اتعامل معاها وانه صدقوني يابنات اموت فيها واول ما انزل السوق او اروح مكان ما افكر الا فيها ساعدوني اي وحدة كانت تضرب عيالها ووقفت هالعادة عندها تدلني على الطريقة لاني لما افقد اعصابي انسى نفسي ومرات قهر الخدامة بعد اطلعه فيها يعني حبيبة قلبي حمالة الاسية وصايرة خوافة حيل تخاف من كل شي تخاف من الظلمة وتخاف تكون بروحها وتخاف تسبح في حمام السباحة حتى وهي لابسة مليون سباحة ارجوكم دلوني على فن التعامل مع هذا السن وحتى واجباتها اقعد معاها بالساعات عشان تكتب صفحة والاكل بالموت تدخل اللقمة :06: ذبحتني ســــــــــــــــــــــــــــــــاعدوني
2
804
يلزم عليك تسجيل الدخول أولًا لكتابة تعليق.

mooolaaa
•
مشكورة حبيبتي lawsi على النصايح وعلى الدعاء انشالله راح اقوله دايماً وانه دايماً اسوي اللي اتقولين عليه دايماً في لحظات الهدوء احضنها واقول لها انها بنتي الكبيرة الحبوبة واني احبها واموت فيها وما اخلي شي في خاطرها بس يدي يعلها الكسر لما تنمد عليها الله يساعدني واتخلص من هالطبع والحمدلله امس حاولت امسك نفسي وما مديت يدي عليها بالعكس كنت قد ما اقدر احاول احسسها بحبي بس هي الله يهديها لو تخف من شيطانتها شوي الله يهدي الجميع
واللي عندها اي فكرة من البنات تساعدنا ارجوكم لا تبخلون علينا
واللي عندها اي فكرة من البنات تساعدنا ارجوكم لا تبخلون علينا
الصفحة الأخيرة
تصدقين أعاني نفس مآساتك بس لله الحمد أحس نفسي أخف الان من أول
اولا لأن اللي نسويه أمر فيه ظلم وتعسف
ثانيا يكفينا تأنيب الضمير اللي نحصله
ثالثا الحالات النفسيه اللي يشعر بها اطفالنا بعد تهورنا
بصراحه أنا دائما أدعي لنفسي بهالدعاء
اللهم اصلح اولادي وكٌف يدي عن ضربهم ..اللهم وأعني على تربيتهم تربية اسلاميه ايمانيه ..
اللهم وزدهم ادبا وقبولا بين الناس
ادعي دائما وفي كل وقت
والى جانب ذلك
حسسيهم بأهميتهم عندك وخصوصا البنت واذا كنت هادئيين قولي لها أني أحبك وما في أحد أحبه بكثر ما أحبك
وقبليها بين فترة وفتره وشجعيها على الصواب دائما