الله يسلمكم ومشكورين على المساعده
وأن شاء الله ببدأ من اليوم في الأشياء الي قلتولي عليها بس عندي أستفسار وشو قناع الطين ومنظف سيبا ميد من وين أشتريه؟

حبيبتي قناع الطين في من همالايا وفي ماركات ثانيه من الجمعيه طبعا

اما تونر سيباميد اسمه تونر التنظيف العميق وفي في الصيدليات وفي الجمعيات

السلام عليكم

بغيت أقولكم النتائج====>

الحمد لله فتح لون وجهي وجسمي
وأحس بعد المشي أنشدت عندي منطقة الخصر
وجسمي وأقدامي طارت ناعمه
وشفايفي صارت أحسن من قبل

الله يعطيكم العافيه على نصايحكم..........والله أدعيلكم من قلبي

بتواصل معاكم عشان ماأحسن بالملل من الأستخدام..........

مبروووووك يالغاليه على النتيجه الزينه واستمري واهم شي المشي ساعه يوميا انا بديت تدريجيا من 5 دقايق وكل يوم ازيد 5 دقايق لحد ما صرت امشي ساعه يوميا

واشربي حليب كل يوم الصبح ترا مهم واجد واذا ماتبغينه بارد سخنيه لاتشربين فالليل لانه يسمن
واهم شي السلطه مع الغدا والعشى وضيفي معاها البقوليات مثل الحمص والصنوبر واللوز وتقدرين تحطين فطر وذره وزيتون وجبن كل يوم وراح تلاحظين الفرق

وما اوصيج بالسمج ترااااا مفيييييييييد جدا جدا
ولا تنسين الماي 5 اكواب على الاقل في يوم لا تزيدين عن ال8 بس لاتشربين ماي قبل الاكل بساعه وبعد الاكل بساعتين لانه يعيق عملية الهضم وينفخ الكرشه لول

والتفاااااااااااااااح مهم للبشره والجسم فيه حديد ومقاوم للأكسده اهم شيي كل يووووووووم بس لاتاخذينها مع شي في كالسيوم

يعني اذا اخذتي شي في كالسيوم خلج ساعتين بعدها اذا تبين تفااح اكلي

والتمممممررررر ترا والله مفيد التمر خصوصا المعادن اللي فيه ومعروف عنها طبيا انها تحمي من السرطان بعيد الشر ومعروف انه السكريات اللي في التمر سكريات طبيعيه خفيفه سريعة الحرق حاولي تاكلين حبتين كل يوم

وبالنسبه للمقشرات عندج سكراب الملح من بودي شوب وعندج انواع ثانيه كل اللي في بودي شوب حلوو

وشعرج استخدمي زيت الجذايل من القرشي والله عجيييييب واصلي في لتكثيف الشعر وفي لتطويل الشعر تستخدمينه مرتين بالاسبوع ولمدة ساعتين

واذا شعرج فيه قشره روحي الصيدليه واخذي شامبو طبي للقشره


وبالنسبه لاسمرار الجسم انا استخدم صابون مسك اسود طبيعي مع صابونة الشبه بس مادري انتي من اي منطقه واذا يبيعونه عندكم ولا لا صدقيني انا جربته اسبوعين كل يوم لاحظت فرق عجيييب والاحلى انه قطعه صغيره تكفي الجسم كله

وبالنسبه للهالات السودا روحي الطبيب وان شاء الله بيكتب لج العلاج لانه ناتج عن حالة مرض

بالنسبه للجسم استخدمي كريم زبدة الكاكاو او زيت اللوز


للارجل والجسم والاكواع والركب نظفيهم دايم فالليل كل يوم بالاسكينول ووادهني بالفازلين وشوفي الفرق هاذي نصيحة وحده كانت تسوي حمام مغربي

بالنسبه لبشرة وجهج ورقبتج حبيبتي حاولي تسوين فيشل ( تنظيف بشره عند صالون حلو ) وشوفي الفرق لانه بشرتج تعبانه يبي لها تنظيف وتغذيه وان شاء الله تشوفين الفرق


آسفه طولت عليج بس حبيت انصحج مره ثانيه والله يشفيج يارب

ولاتنسينا من الدعاء وان الله يحقق اللي في بالي

والله يوفقج

مرحبا

دعواتي لك

تعرفي على منتجات صوغر البحر الميت طبية طبيعية من دون مواد كيماوية ولا معطرات ومناسبة لجميع انواع البشرة وايضا علاج للبشرة الحساسة

عزيزتي استخدمي املاح صوغر البحر الميت مغطس بالماء الدافئ يعمل على تنظيف البشرة وإزالة الخلايا الميتة وعلاج للحساسية والروماتيزم ويعمل على شد البشرة من الترهلات والتجاعيد

وايضا يوجد كريم الرمل مقشر للبشرة

وكريم المغذي التفتيح المرطب من صوغر

قناع الطين يستخدم اسبوعي لشد البشرة وامتصاص الدهون والحبوب وإزالة الخلايا الميتة ويصفي ا لبشرة