السلام عليكم ورحمة الله وبركاته
أتمنى ان الجميع بألف خير وبأحلى صحة ان شاء الله
أنا بصراحة أول مره أشووف هالمنتدى وأول مره اتصفحه وبصراحه حبيته
وانا بصراحه محتاج لمساعدتكم حيل حيل حيل أنا عمري 17 يعني
توني دخلت الـ17 توفت امي من سنتين وبصراحه من توفت وبيتنا
لا احد يحب يزوره يعني بالعربي بيتنا ميت ما في حياة نهائيا هو بصراحه
ما في احد يحب يزورنا والسبب وفاة امي لان امي الله يرحمها كانت هي سر
سعادتنا وكل من بالعايله يحبها لان قلبها كان بالحيل طيب ومن مرضت بدت
معاناتي (مرضها كان سرطان وتعبت منه 5 سنين لين ربي اخذ امانته تعبت الله يرحمها )
كرهت نفسي كرهت دراستي ولما توفت احس حياتي مالها داعي لان ماني قادره
احرك أي شي في حياتنا لا في البيت ولا في دراستي ولا في اخواني الصغار
احس اني دوختكم بالحيل بس عن جد محتاجه ودي تساعدوني انا بصراحة اتمنى
انكم تعطوني ومن هالمنتدى نصائح بالاول ابي لنفسي انا صرت ما احب اطلع بس
قاعده بالبيت حتى اقرب الناس ما ازورهم والسبب منظري انا على حياة امي احس
ان كنت كلي انوثه ولبس على اني كنت صغيره لكن الحين الله لا يوريكم بشرتي صرت
سمره بالحيل على اني كانت بشرتي مياله للبياض وحب بوجهي مشوه شكلي حيل
وأكلي مو صحي أبدا اصلا احيانا يمر يوم كامل بس اشرب ببسيي واي كاكاو واذا عطشت
اشرب ماي يعني شوفوا حالي واحكموا انا بصراحه لما شفت هالمنتدى حسيت ان كل شي
انحل مجرد اني اتصفح واستفيد المشكله الحين حتى مو قادره اتصفح ما يمديني ادخل
عالانترنت الا جا اخوي الكبير ويفصله عليه عشان جذي تمنيت اول شغل ابي نصايحكم ابي
شي امشي عليه شعري بعد ما كان طويل وناعم وكثير الحين الله لا يوريكم مقصف وخفيف
وباهت ومافي حياة بالاول في لمعه احس في حياة يمكن تقولون وين خالاتي او قارايبي
المشكله ان كلن لاهي في دنياه ومشاغل هالدنيا اللي ما تخلص انا ما الومهم عيال وزوج
وبيت ومسوؤليه وتصدقوا حتى الصالون من زمان ما رحت له يعني بصراحه ابي شغلات ونصايح
اقدر اسويهم بنفسي سواء خلطات أو نظام امشي عليه انا ودي اطلع ودي ازور بس عن جد
كرهت نفسي احس شكلي صاير بالمره غلط يعني ما ابيكم تتعبوا نفسكم من مواضيع
هالمنتدى ابي لو تعطوني روابط لان عن جد لما اتصفح ما يمديني اقرأ شغلات تجنن ومايمديني
الا اخوي جاني فقلت ابي نصايح منكم شوفوا حالي واحكموا ودي اعزم خالاتي جدتي اهلي في
بيتنا بس ما ادري ليه ما ودي اطلع ولا احد يشوفني لان عن جد يبيلي اهتمام حيييل وبصراحه احس
اني صرت قاسيه على اخواني صغار هذا بدال ما احاول اعوضهم بس والله مو مني كرهت دنيتي والله
تعبت تعبت وأنا بصراحه ودي لو حتى تعطوني روابط من هالمنتدى يعني تغذيه في سني انا على
شنو اللي مفروض اسويه سواء لجسمي او لوجهي الله يسعدكم ساعدوني والله محتاجه والله اعلم
بالحال وانا بحاول لو اشبك بالليل وبحاول انسخ كل شي تقولونه لي وبأقرب وقت أرد عليكم ان شاء الله 0
دنياي رحلة شقا @dnyay_rhl_shka
عضوة جديدة
يلزم عليك تسجيل الدخول أولًا لكتابة تعليق.
:
الله يلوم اللي يلومك
الام ما مثلها شي
عموما البنات من ذي الناحيه ان شاء الله ما يقصرون
بس فيه نقطه ... حابه انبهك لها اختي
صرت قاسيه على اخواني صغار هذا بدال ما احاول اعوضهم بس والله مو مني كرهت دنيتي والله
اخوانك الصغار امانه في رقبتك
عوضيهم حنان امك ... وخليك ملجأ الحنان لهم
انتي نادمه انك قاسيه ... بس ذا ما ينفع
ارحميهم وارحمي ضعفهم وحاجتهم لك
تكفين .... تكفين
ترا والله كسر قلوبهم وحاجتهم للي حولهم تشيب الراس
اذا ما توليتهم انتي بالحنان والرعايه ... بيددورونها برا البيت ... وتخيلي وش بتكون النتيجه !!
والله يرحم موتاكم وموتى المسلمين
ووكلي الله
هو نعم المولى ونعم النصير
الله يلوم اللي يلومك
الام ما مثلها شي
عموما البنات من ذي الناحيه ان شاء الله ما يقصرون
بس فيه نقطه ... حابه انبهك لها اختي
صرت قاسيه على اخواني صغار هذا بدال ما احاول اعوضهم بس والله مو مني كرهت دنيتي والله
اخوانك الصغار امانه في رقبتك
عوضيهم حنان امك ... وخليك ملجأ الحنان لهم
انتي نادمه انك قاسيه ... بس ذا ما ينفع
ارحميهم وارحمي ضعفهم وحاجتهم لك
تكفين .... تكفين
ترا والله كسر قلوبهم وحاجتهم للي حولهم تشيب الراس
اذا ما توليتهم انتي بالحنان والرعايه ... بيددورونها برا البيت ... وتخيلي وش بتكون النتيجه !!
والله يرحم موتاكم وموتى المسلمين
ووكلي الله
هو نعم المولى ونعم النصير
حبيبتي و الله اني حاسه فيج .. و مريت بكل اللي مريتي فيه و امي توفت من سنتين بعد نفس امج
حاولي تعيشين حياتج و خلج دايما قويه لان اخوانج الصغار الحين مالهم غيرج و يطالعون الله ثم انتي و اهما الحين حتى الكلمه الحلوه يدورونها (( سأليني انا و باقول لج عن المر اللي عشته ))
بالنسبه لبيتكم ما اقدر انصحج بشي لان هالشي لي الحين ما لقيت له حل عندي .. من توفت امي الله يرحمها و احنا بيتنا محد يدخله و صاير كئيب.. حتى تلفون البيت ما يرن الا في الشهر مره
اتمنى لو اني اقدر اساعدج .. و امانه اي شي تبغينه او اي سؤال بتسألينه انا حاضره حتى لو على الخاص
الله يساعدج حبيبتي
حاولي تعيشين حياتج و خلج دايما قويه لان اخوانج الصغار الحين مالهم غيرج و يطالعون الله ثم انتي و اهما الحين حتى الكلمه الحلوه يدورونها (( سأليني انا و باقول لج عن المر اللي عشته ))
بالنسبه لبيتكم ما اقدر انصحج بشي لان هالشي لي الحين ما لقيت له حل عندي .. من توفت امي الله يرحمها و احنا بيتنا محد يدخله و صاير كئيب.. حتى تلفون البيت ما يرن الا في الشهر مره
اتمنى لو اني اقدر اساعدج .. و امانه اي شي تبغينه او اي سؤال بتسألينه انا حاضره حتى لو على الخاص
الله يساعدج حبيبتي
الأزمـآت والمصـآآيب مهمـآ كـآآنت قااسيـه ,, لازم نطــلع منهاا بروح أقوى ,,
امـك رحمه الله عليها لوكـآنت عايشه مـآرآآح ترضـــى ..
خلي همـك الاول رضـآآ ربك ,, وثم رضـآآ أمك ..وبريهـآآ حتى هــي في قبـرها ,,
وتأكدي اي شـي تسوينه رآآح يفرح أمك ويسعدهـآآ ,,
وأحتسبي الاجـــر ,,
الله يجــبر قلبــك يااارب ,,,
امـك رحمه الله عليها لوكـآنت عايشه مـآرآآح ترضـــى ..
خلي همـك الاول رضـآآ ربك ,, وثم رضـآآ أمك ..وبريهـآآ حتى هــي في قبـرها ,,
وتأكدي اي شـي تسوينه رآآح يفرح أمك ويسعدهـآآ ,,
وأحتسبي الاجـــر ,,
الله يجــبر قلبــك يااارب ,,,
الصفحة الأخيرة
ابي اعطيكي الروابط الي عندي واذا تبين اي استفسار ارسلي لي على الخاص
http://forum.hawaaworld.com/showthread.php?t=1147582
http://forum.hawaaworld.com/showthread.php?t=1207906
http://forum.hawaaworld.com/showthread.php?t=665889