للاسف اختي الكريمة لست اعلم طريقة محددة يمكن ان تنجح مع ولدك ولكني كتبت فقط لشد على يدك واشجعك على الاستمرار فيما تفعلينه وارجوا ان شعرتي بان طاقتك تكاد تنفذ ان تواصلي محتسبة الاجر عند الله وتتذكري ان التعب هو سبيلك للوصول وتذكري دائما ان هنالك اشخاص كثيرون كانوا في طفولتهم في مثل حالة ابنك اصبحوا الآن طبيعيين تماما بل ان منهم من اصبح اكثر ذكاء وتفردا من الاشخاص الذين ولدوا اطفالا عاديين كل هذا لانهم وجدوا من يستغل طاقتهم بدلا من تركهم عرضة للاهمال أو التوبيخ ..

وفقك الله يااختي في ماتفعلين وبارك لك في ابنك وجعله قرة عين لك ولوالده

بصراحة بنات الله يعطيكم العافية على هالردود الطيبة مو لشئ معين بس دعواتكم هذي تكفي ان الواحد يقدر يتابع ويحس ان احد حاس ابمعاناتة ما تدرون شسوت ردودكم فيني حتى لو ما استفدت منها كفاية ان في احد رد على موضوعي هذا وحسسني اني لازم اثابر عشان اساعد ابني
مشكورين وادعي من قلبي لكل وحده ردت على موضوعي ان الله يعطيها وينولها اللي في بالها وبارك الله فيكم

من وجهة نظري ان طفلك جدا صغيييير على انك تخلينه يكتب واجب ...
يا حراااام خليه يستمتع بطفولته ويلعب ....
والكتابه والواجبات لاحق عليها ان شاء الله .........
انتبهي لا تظلمينه وتخلينه يتعقد .. :26:

اوووووووووووووووووووف
على هونكم ياعرب
الحريم يشتكون من عيالهم باول ابتدائي ابو سبع سنين وفهم بطيء ومايستوعبون لان الحياه جديده عليهم ....وانتم تشتكون من ابو ثلاث سنين ...والله حراااااااااااام ..ياختي زايد نشاطه خله يلعب ...واللي تقول سكري عليه بغرفه وخله يحل الواجب شعرف البزر بالواجب اصلا هو عرف ينطق عدل ويتكلم عشان يحل الواجب ...والا اللي تقول شدي عليه وعاقبيه شبلاكم انتم شوي شوي على البزر ليتعقد ويكره الدراسه وهو توه ..

اتمنى انكم ماتواخذوني بس انقهرت من تصرفكم ..
والله يصلحه..

وانا مع الاخت salma في كلامها مدام عند الطفل نشاط زائد فالمفروض ان المدرسة تراعي هذا الشيء
يعني المفروض ماينعطى واجب اصلا ، يعني انت حطيتيه في المدرسة الخاصة علشان هم يساعدونك مش يعطون الطفل واجبات .
والطفل بيحس انك ما تحبينه لانك مقيدة حركته لما تقولين له تعال اقعد وحل الواجب ، وبعدين هذا شغلهم هم وانت قولي للمجرسة كيف اتعامل مع الولد علشان يحل الواجب .
وانت بعد بينحرق دمك ، وبيرتفع ضغطك .
والله يكون في عونك .