ساعدوني الله يسعدكم دنيا واخره

بسم الله الرحمن الرحيم
صلو على خاتم الانبياء والرسل نبينا وحبيبنا محمد صلى الله عليه وسلم
اول شي مو عارفه الموضوع يناسب القسم او لا
عندي مشكله متعبتني ,, مع النمل اسود وصغير طبعا بيتي ولله الحمد نظيف وعندي زوج يعشق التظافه وسوسه بزياده ,, المهم النمل ماشفته الا بعد ماولدت وجبت تؤام الله يحفظهم صار يطلع بشكل مخيف في المطبخ حولين رضعات اطفالي لما اجي اعملهم الحليب ماادري من فين يطلعوا وهاتك تنظيف البيت من اوله الى اخره وتخيلوا بعد ماانظف وابخر وشوي الاقيه يتمخطر في الصاله في المطبخ ولاحظت لما اشغل سورة البقره يختفي ماله اي اثر وزوجي شك قالي خلينا نحصن البيت لانه هو كمان متعرض لعين حاسده الله يكافيهم.. قبل يومين عملت طريقة تحصين البيت للشيخ ناصر الرميح ولما حصنت الغرف كلها وصلت للمطبخ ورشيت في الاركان والله يابنات ماكان في شي وشوي ارجع المطبخ والاقي جيش نمل خرج من جدار المطبخ وارش عليه من المويه المقرية والله يابنات ماااااااااااااات انا ارش وجسمي يتقشعر,, ايش الحل وعندي بنتي بس تنام في الصاله عمرها 10 سنين الاقيها لما اصحى نايمه في الصاله وسالتها ليش تنامين في الصاله تقولي اخاف ياماما من غرفتنا ليش تقول اشوف خيال زي الحرمه في الركن ومره صحتني من النوم تقولي ياماما في احد يصحيني من النوم وسميت عليها ودحين صرت ادهنها بزيت مقري وتنام مرتاحه وحتى زوجي وتوائمي صرت ادهنهم بالزيت ونام نومه يارب لك الحمد ,, وقبل شهرين كنت في زياره لاهلي بعد مارجعت زوجي يحكيني يقولي كنت نايم واحس حرمه كانت قاعده عند رجولي احسبها انتي واقوم اسمي بالرحمن وكمان عند مدخل الرجال يقولي اشوف خيال حرمه اسود ماشاء الله عليه مايخاف بس يقرى المعوذات تختفي ومره انا شفتها بس سكت ماقلتله بس لما قالي على اللي صار قلتله وصرنا نشغل سورة اليقره وماني فاهمه ايش اللي صاير ياليت احد يفهمني