ساعدوني الله يسعدكم .. ما ابغى اتطلق

انا زوجي طلقني مره وترجيته يرجعني ورجعني
طبعا انا ساكنه عند اهل زوجي بس عندي غرفه والحمام مشترك ف الفتره الاخيره صار الحمام ماله مفتاح ولا قفل ما ادري ليه وزوجي باارد ولا همه صرت ادخل الحمام احط سطل ماء واشوف شغلي
المهم انا من بداية زوجي عندي مشاكل واتفه المشاكل يرميني عند اهلي ويهددني ب الطلاق ابد ماعندي خصوصيه ف البيت هذاك وتحملت
المهم ان زوجي تمادى صار يضربني المره الأولى ضربني عند امه واخوانه وعيال اخته كنت جالسه ف الصاله بعدين قال شيلي اغراضك وانقلعي على بيتكم قلت مابروح قال ليه خايفه من الفضيحه والا اهلك م يستقبلونك انا مارديت ضرب مشاية بنتي على ركبتي بعدين انا قمت جمعت اغراضي قلت انا مابروح معاك كلم اخوي يجي يأخذني اخوي لما عرف انه مسوي مشكله ماجاء ياخذني قال هو يجيبه بنفسه بعدين صارت اغراضي كلها مجمعه لمدة اسبوع ولاوداني بعدين انا تعبت صرت ما اكل وأبكي بعدين اعتذر وسامحته المره الثانيه امهم تبغى تجيب حرمة ولدهم الكبيره اللي عندها 4 بنات وساكنه لوحدها تسكنها معانا ف الشقه الصغيره وابغى تفضي لها غرفتي وانا اروح غرفه ثانيه الغرفه الثانيه له حمام وصاله صغيره ومدخل من باب الشارع يعني جناح خاص وزوجي عناد رافض الغرفه هذاك ويبغى يعطي الغرفه لأمه ويأخذ لي الغرفه اللي ف وسط الصاله وانا بكيت وصارخت اني ما ابغى الغرفه اللي ف الصاله ولا ابغى امه تكون جنبي لأن الحمام يكون عندها وماعندي حمام ثاني قلت له تكفى تفهمني انا أهرب من الفراش ليلة أن الحمام جنب غرفتك وتودينب هناك وأمك جنبي ما ابغى وقبلها حصل جماع جاني نزيف وانا أبكي جلس يحرش بالضرب اني ما اتنفس لو يوديني السطح قال عاجبك امشي على كلامي مو عاجبك برميك عند اهلك وطلع من الغرفه راح صلاة الجمعه ورجع قال ماتروحين تساعدين امي ف المطبخ قلت انا نزل مني دم ودني المستشفى جلس يعتذر وأنه بياخذ الغرفه اللي لها حمام وجمعت اغراضي ووديته الغرفه هذين والغرفه فيها ديكور وكل شئ بس لسة ماوديت سريري بعدين قال انا بصبغ الغرفه ابيض قلت لا تكفى انا عاجبني اللون قال وش دخلك قلت خلاص كيفك ورمى علي علبة الشطه الزجاج وبعدت نفسي وضرب ف التسريحة وبنتي شافتنا صارخا خافت انا اخذتها على طول طلعت من الغرفه وصارخ يقول ارجعي احسن لك ورجعت وقام سحب شعري بقوه وبنتي ف حظني وضرب رأسي ف رأسها هي بكت وانا بكيت كلنا تعورنا وبكيت كثير وهو يقول اصبري خلي العمال يروحون بكسر راسك وراح جلس مع امه وأخته ف الصاله ولا كأنه صار شئ انا بعد ساعه طلعت من الغرفه دخلت المطبخ وقاعد يستشير اهله ف كنب يشتريه بعدين اخته قالت لا تأخذ هذاك خذ كنب كذا هو قال صح كلامك ممكن ليش لاء قدامي قال لها كذا انا انبهرت اني من ساعه عطيته رائ ضربني المهم بعد ساعه كلهم نامو انا اخذت بنتي واخذت ذهبي واخذت 2000من درجه طلعت من البيت وركبت التاكسي ورحت بيت خالتي هي ف الرياض عندنا وسبحان الله ف التاكسي جات لفه قويه وطاحت شنطتي من الكرسي والشنطه مفتوحه طاح الجوال ولا طاح الذهب ولا الفلوس نزلت بيت خالتي شفت الشنطه الجوال مو موجود قلت احسن والا الحين يرسل تهديدات ويخوفني
بعدين قام الصباح ودور ف البيت وماحصلني واتصل على اخوي ان اختكم انحاشت وانا ماكسرت يدها أو رجلها بس سحبت شعرها واختكم مجنونه وأخذت فلوسي
ويهدد أنه بيودي الشرطه بيت خالتي لأنهم استقبلوني ولا سوى شئ
وراح قال لأمه اني وديت زوجتي عند اهلها لين ما ترتب الغرف واجيبها
وبعد كم يوم صار زواج وحضرت وعلمت قرايبهم ب الموضوع بعد كم يوم وصل الكلام لحماتي وهي راحت هاوشت ولدها واتصلت تقول انا توني ادري وبنتكم مجنونه ووووو .. المهم بعدها زوجي دق 10 مرات امي ما ردت بعدين ردت صارخ على امي ليش ماتردين خايفه مني امي قالت لا انا م اخاف الا من ربي بعدين قال زوجي عندكم فرصه الا بكره اذا ماجت بطلقها امي قالت مانجيبها بنتنا مو لعبه عندكم قال تجيبونها وبقعدها ف السطح وبتزوج عليها ثلاث امي قالت طيب ليش حرمة اخوك طردتوها من البيت صار لها خمسه شهور م جبتوها وبنتي صار لها أسبوع ومحروقين قال لأمي انتي مالك دخل ويصارخ على امي ويقول وبنتي باخذها منكم امي قالت تعالوا خذوا مانبغاها بنتي تتزوج وتجيب 10 وريف وسكر الخط زوجي
المهم امس ابوهم إتصل على عمي يقول بنت اخوك طالعه مع خويها وعمي قاله لاتقول كذا وكلام طويل وأبو زوجي يقول لكم فرصه إلى الساعه 12 آذا ماجات ولدي يطلقها عمي ماعطاه وجه راحوا اتصلوا على ابوي ف الخارج وقالوا كلام كثير عني واتهموني ابوي جاهل شوي اتصل على اخوي قال ودها بيتها قلت لاخوي انا مابروح لين يأخذ لي بيت ومارحت وبعد الساعه 12الليل شافني ماجيت ابوهم دق على امي يقول جيبوا البنت والا بنطلقها امي قالت مانجيبها كم مره رميتوها وجبناها هالمره خلاص طلقوا قال بنتكم طالعه مع خويها وفيها جني امي قالت ي عمي لك 3 بنات لاتنسى قال خلاص بنطلقها
بعدين ابوي اتصل من الخارج قال لأمي ودوها احسن لكم امي قالت مابنوديها ابوي قال إذا ماراحت بوديها للخارج بذبحها وسكر الخط حتى ماعطى فرصه لامي تتكلم هذا الشئ مخليني اتحمل كل القساوه ابوي يخاف على سمعته 😭 زوجي لما كلم امي قال بخليك انتي وزوجك تجون تبكون عند رجلي
زوجي لما تنازلت له المره الاولى وشاف ماحد في صفي صار يتعامل معاي ب الضرب
ابوي قال للزوجي الليله تكون عندكم اللي هو امس انا مارحت صار يرسل كلام تهديد
انا هالمره ماتنازلت لأنه ما أحترم امي ولا راح اتنازل الا لما يوفر لي سكن ..
وبعد الموضوع هذا كله ارسل انتي طالق للمره الثانيه .. الان صار على موضوعي شهر ..
بصراحه انا الان ندمانه على فعلتي وهو يتواصل معاي ع الواتس واعرف انه معطيني فرصه ارجع لكن بشروط اني اروح مع امي نعتذر منهم وانا والله نفسيتي زفت ولاني متقبله موضوع الطلاق .. واهلي كلهم يلوموني ليش طلعتي انا والله مو عااارفه كيف طلعت والله .. انا ما اعترفت له لسى اني طلعت مع التاكسي قلت طلعت مع اخوي وهو يبغاني اعترف لانه مو مصدق وانا مفكره اعترف له طيب وإذا رجعت كيف بتكون حياتي .. بالله دلوني على الصواب اشوف بنتي بعيده عن ابوها قلبي يتقطع عليها اكثر . . الله يسعدكم ساعدوني في حل هالمصيبه 😢😢


ابوي المسكين مصدوم من هالموضوع ... تكفون ساعدوني