ساعدوني الله يسعدها اللي ترد تعبت جدا ويعتق رقبتها عن النار

السلام عليكم
 اخواتي ربي يوفقكم ويفتح لكم ابواب رزقه ويسعد كل من تساعدني وترد علي انا تعبت من قصتي ذي وحتى رمضان ماحسيت بحلاوته من زود الهم اللي فيني الله يفرج هم كل من تساعدني قصتي اني كنت مخطوبه وفسخت خطوبتي بسبب مشاكل صارت مع اهل خطيبي واستخرت ربي ودعيته ان كان قراري بفسخت خطوبتي خيره ييسره وتيسرت وفسختها بعد تعب والم من اهلي والحمد لله ..بعدها تعرفت على واحد مدري كيف تعرفت عليه وحبيته في فتره بسيطه حسيت ربي جايبه لي من السماء كل اللي دعيته بصلاه قيام الليل فيه من صفات ماشاء الله ووعدني بخطبتي وقلت له انا من اسبوعين فسخت خطوبتي لازم اجأل خطبتي لكم شهر خفت اهلي يربطون السالفتين واني فسخت خطوبتي علشانه اجلت السالفه شهرين وجاء واهله وخطبوني وامي ارتاحت لهم وانا كنت بوقتها فرحانه ان امي ارتاحت لهم قلت اكيد بتوافق قلت ياامي الناس طيبين انا بستخير ربي ووافق قالت اذا اخوانك رضوا انا ابوي متوفي والقرار بيد اخواني..  لمى دروا انه من قبيله غير قبيلتنا ومدينته غير عننا وبعيده رفضوا من غير كلام قالوا شيلوا السالفه من راسكم وانا قلبي محترق وحاولت في امي تقنعهم وحاولت وهم رافضين وجلست ابكي واقول لهم انا استخرت وموافقه وش يعني قبيلته غير عننا وعلى فكره قبيلته حلوه وماعليها كلام واهلي رفضوا انو من غير قبيلتنا وان الناس بتتكلم بتقول اكيد تعرفت عليه وخطبها وفسخت خطوبتها علشانه انا انهرت قلت لاخوي الكبير وليي بعد ابوي طيب شوفه تكلم معه الرسول عليه الصلاه والسلام قال من ترضون دينه وخلقه زوجوه.. ماقال كلام الناس وماقال قبيلته وانا استخرت وارتحت لاتحرموني حياتي وسعادتي قال انا خايف من بعيدين يصير معاك شي معاه ويعذبك قلت كل شي قضاء وقدر ويعدد لي وش صار لناس زوجوا من برا قبيلتنا وانهم ماتوفقوا قلت انا استخرت وارتحت وعائلته طيببن وكل شي وافق رفض قال ماراح اوافق كله علشان كلام الناس والناس بيتكلموا فيك وانتي فسختي خطوبتك وقلت للولد تعال انت وابوك وتكلم معه وجاء ورفض اخوي يتكلم معه او حتى يشوفهم ونفسيتي تعبت وقال لهم مالكم نصيب عندنا من غير استشارتي والفعل ذا مايرضي ربي تكلمت معه ليش يسوي كذا علشان تعاندوني بفسخت خطوبتي من واحد من قرايبنا يقول انتي باقي صغيره ماتعرفين مصلحتك وانا الحين عمري 26 وكبيره واعرف اللي يضرني وينفعني ورافض علشان كلام الناس ايش اسوي معهم حتى امي اقنعوها ماتوفق معهم تكفون ساعدوني الحين اهلي مقفلين على الموضوع وانا احترق وماصرت اتكلم مع احد وانعزلت عن العالم وعن الناس بس اصلي وادعي واستغفر وادعي ربي ينصرني على اخواني والولد اهله يبغون يزوجونه بس مايبي الا انا وانا مابي الا هوه احبه بس ابكي وهو يبكي ايش نسوي كيف يجي ويخطبني ثاني مره كيف نفتح الموضوع ثاني مره من غير يعرفوا اننا نعرف بعض ساعدوني والله عايشه بهم والم وضيق نفسيتي تعبانه







الله يسعد اللي ترد وتساعدني او ترفع الموضوع