ساعدوني الله يفرِج هم من تعطيني الحل

السلام عليكم ورحمة الله وبركاته

الرجاء اخواتي الله يجزاكم خير تفيدوني وتعطوني الحل
انا وحيدة جداً ما عندي صديقات صديقاتي القدامى
في المتوسط راحت ارقامهم من جوالي
وصرت في الثانوي عندي صديقات علاقتي فيهم جداً عادية
و عندي صديقة مقربةحبيتها كثير وتعلقت فيها وكنت اكلمها على الجوال
مع مرور الوقت تعرفت علي بنت بالمدرسة
وصديقتي صارت تغار كثير على شان صارت البنّت تبيني لها وبس كل ما نزلت الساحة تجي وتاخذني غصب تبي تتمشا معاي
وانا لاحظت غيرة صديقتي تغار علي كثير وتقولي ابعدي عن البنّت مو بكيفها كل ما نزلتي الساحة تبيكي لها وبس
وتقولي شكلك حبيتيها وكل ما جت تقولي جت حبيبتك ..
وأكون بالساحة اشوف صديقتي من بعيد تناظرلي غيرانة على شان تشوفني مع البنّت
المهم جت الإجازة وانا كنت أحب اشوف غيرة صديقتي
صرت دايم أحط منشورات بالفيس بوك عن البنّت الجديدة
وصارت صديقتي ترسلي رسائل صورة صباح الخير
انا ما أرد
ما توقعت انها بتزعل كذا يوم بدت السنة الجديدة
جت صديقتي وما سلمت علي ومقعدها جنبي
حطت شنطتها على الكرسي
وراحت جلست مع بنات
وتركتني ..
البنات بعد اسبوع تقريباً لاحظو اننا افترقنا عن بعض
قالو في بينكم مشكلة قالت صديقتي لا
وسألوني انا قلت لا ما صدقو قالو باين في خلاف
ومرت السنة كلها وما تكلمني ..
انا احاول أتقرب منها وهي تبتعد
انا خلاص يوم شفتها كذا تتهرب وتعاملني بدون نفس
لو جيت كلمها
تركتها صرت ما اكلمها
وتخرجنا من الثانوي ..
انا غيرت رقم جوالي
وبعد تقريباً شهر اتصلت هي على تلفون البيت
وقالت تبي تكلمني لكن انا قلت لاختي قوليلها نايمة
قالتلها اختي الحين نايمة بعد ما تصحى اقولها تكلمك
وما كلمتها ..
صارت تتصل على التليفون ترد اختي قالتلها اختي كلميها على الجوال وعطتها رقمي الجديد ..
ومر وقت طويل وما اتصلت على جوالي
وفجأة اتصلت علي انا كنت مترردة
أرد عليها ولى لا
وما رديت ..
صارت تحط منشورات بالفيس بوك عن الصداقة القديمة وهي تبي ترجعلي وخايفة اني ما اعبرها
وانا ندمت اني ما رديت عليها وابي أرجعلها وما ادري كيف على شاني وحيدة محتاجة صديقة
لكن يوم اتذكر كيف عاملتني اكرهها ..
ارشدوني
والله تعبت من وحدتي