كــــــرزه :

حبيبتي انا ما فهمت المشكله بالظبط بسبب الأخطاء الاملائيه بس انت اهم شيء تحطين ببالك انو امك الله يخليها لك ماراح تكون معك طول عمرك واذا تقاعدت وماصارت معك بالمدرسه هالشيء مايعني نهاية العالم.. انت ماشاء سنه خامس يعني بنوته كبيره تفهمين وتقدرين تعتمدين على نفسك بالمدرسه وانت نقلتي حسب كلامك من 3 مدارس لانهم ماعجبوك يعني امك تحبك وتهمها راحتك ولو ماتحبك ماكانت نقلتك من مدرسه لمدرسه بس انت حبيبتي حساسه مره وتبين الدنيا تمشي على كيفك ... شيء طبيعي انو الانسان يتعرض لمواقف اول ماينقل على مدرسه جديده. بس ممكن اساعدك بشوية نصائح اتمنى تنفعك: * اول شيء ادعي ربك بصلاتك انو يسهل امرك ويشرح صدرك وادعي بكل الي خاطرك يصير وحافظي على صلاتك واقري قران لو كم ايه لان القران يهدي النفس. *اول ما تبدا المدرسه روحي واحضري الحصص وركزي مع المعلمات واهتمي بدراستك وواجباتك *اذا فيه شيء ما تفهمينه او صعب عليك تقدرين تسألين بنات صفك وخليهم يشرحون لك ويساعدونك ولاتستحي او تخجلي انك تطلبي المساعده وممكن تسألين اخواتك الكبار عن اي شيء ماتفهمينه من الدروس لانهم دارسينه قبل وخليهم يشرحون لك واذا على اللغه الانجليزيه ممكن تجيبي مدرسه خصوصيه او تروحي لنفس مدرسة الماده وتقولين لها تساعدك وتشرح لك وعندك انترنت استعمليه بدراستك فيه اجوبه ومعلومات وكل شيء.. * البكاء ماراح يحل شيء اذا متضايقه من شيء روحي تكلمي مع امك عن هالشيء واشرحي له وضعك وقولي له كل الي بخاطرك واطلبي توديك لطبيب نفسي. * خليك متواضعه ومؤدبه بالمدرسه علشان المدرسات والطالبات يحبونك. * دايم حطي ببالك انك ممكن تتعرضين لمواقف محرجه واحيانا مؤلمه لان هاذي هي طبيعة الحياه ( من قال ان الحياة سهله) . هذا كل الي اقدر اقوله لك اتمنى تستفيدين منه لو بشيء بسيط والله يوفقك .

حبيبتي انا ما فهمت المشكله بالظبط بسبب الأخطاء الاملائيه بس انت اهم شيء تحطين ببالك انو امك الله...