بس انا حابه اضيف شغله يا حبيبتي دنيا الاحلام الحين صرنا في وقت في اي مناسبه كأنا دخلين مسايقة جمال والله العظيم مادري شلون احس مب مثل اول نروح نستانس الحين بس صار الاهتمام بالمظهر اكبر شيء يشغلنا حبيت اقولك انك تتدربي من الحين تسوين ميكب معين وتختارين اللبس وتدورين على الالوان اللي تناسب بعض يعني اختاري اول الملابس وعلى ضوءها اختاري الوان الشدو وكل شيء الحين كثير دارج الالوان المفرحه والقويه وبعدين السموكي القوي للسهرات موضة كل المواسم واللمعه والجليترات من هاي الشغلات فيه الوان شدو جدا راقيه من ماكس فاكتور بلمعه قويه انا طبعا اخدت كل الالوان وهي الازرق والوردي والبني والذهبي الغامق وكلهم بلمعه قويه روووووعه وسعرهم جدا كويس اهم شيء تأني في شراء المكياج وانتبهي من الاضاءه يعني حطي الالوان لمن تروحين المحل وجربيها وطلعي وشوفي لونها الحقيقي تحت الاضاءه الطبيعيه وبس وشغله بعد قبل لا تروحين المناسبه في الصباح سوي تقشير لوجهك وماسك مغذي واذا كان عندك ست مال عطر معين تحبيه استعمليه كله عشان الريحه تكون قويه والله يذكرنا وياش بالشهادة ساعة السؤال وبس

عزيزتى دنيا الاحلام صباح الخير
اسمحيلى الغاليه انا ما دخلت النت من يوم الثلاثاء كنت فى دبى على فكره انا من بوظبى

المهم حبيبتى البودره بالماء يعنى اتغسلين الاسفنجه بالماء وتعصرينها خفيف وبعدين اتحطينها على البودره وتمسحين بها على وجهك وتاخذين كميه ثانيه وتمسحين على باقى وجهك وتاخذين كميه ثالثه ايضاً وانتظري ثوانى الى ان ينشف وجهك تماماً واذا تريدين تغطيه اكثر تاخذين مره ثانيه وتعيدين على وجهك مره اخرى بتحسين ان وجهك طبيعى ومافيه دهن احسن من كريم الاساس انا دائماً استعمل بودره جيرلان الفضيه رقم 4 بهذه الطريقه واذا شفتيها فاتحه وايد جربي بودرة جيرلان الذهبيه رقم 513 وعلى فكره انا بشرتى فاتحه وايد وللصباح استعمل بودره شانيل اللى فيها نظام تبيض رقم 10 تطلع طبيعيه وايد على بشرتى مع انها افتح درجه.

اما بالنسبه للمحددات فاحبيبتى حسب شفايفك اذا كانت شفايفك ملايانه وما تحتاج تحديد حطى عليها جلوس من ماركه HR رقم 3 وايد حلو واذا تبين قلم تحديد يناسب الوان الوردي والبيج جربي من ماركه ماك اسمه whirl تقدريين تستعملينه دايما انا ما استغنى عن هذا التحديد وفى لون روج وردي حلو من ماركه جيرلان رقمه 460 وهذا بعد ما استغنى عنه جربيهم فى المحل قبل ما تشترينهم ونصيحه ابعدي عن الالوان الصارخه مثل الاحمر البنى الغامق او البنى المحروق استعملى دايما الالوان اللى اتحسين انها اتبين طبيعيه احلى وانعم ويخلى الوحده تطلع مثل البيبى فيس

اسمحيلى طولت عليك واذا شفتى الالوان حلوه انا ممكن اكتبلك اكثر وحاضرين