أولا ..
الله يكون بعونك وييسر أمورك ويسخر لك عيالك و زوجك وظروفك.
ما أزيد ع بعض الأخوات في نصائحهم،، أهم شي بنتك الكبيرة تتعود عالحمام وتترك الرضاعة ودخليها الروضة،
بعدها الصغيرة نفس الشي.
والبيبي الجديد انتبهي عليه من خواته.. أقصد الغيرة وكذا..
حاولي قد ماتقدرين بالنسبة للمطبخ جهزي الأكل والي تحتاجينه في الطبخ من الليل وهم نايمين من تقطيع خضار والدجاج أو اللحم أو التتبيلات وهيك عشان يسهل عليك الشغل اليوم الثاني.
جيبي لك شغالة مرة أو مرتين في الأسبوع حسب حاجتك تنظف البيت. وللتنظيف العميق مره في الشهر
حاولي تنظمين نوم البنتين الكبار بحيث ينامون بدري عشان ترتاحين شوي تخلصين لك كم شغلة ع بال ما تنامين أنتي.
الصفحة الأخيرة
اولا بيتك من الحين دوري شغاله ايجار وخليها تجي مع جيتك تغسل لك الحمامات و السراميك والارضيات كلها
وتغسل لك المفارش و شبك المكيفات و تمسح الجدرات و تكنس وترتب الين بيتك يصير مررتب ونظيف عشان تقدري تبدي صح
بناتك الكبار حطي على فرشهم عازل تلقينه بسليب هاي او ساكو او سنتر بوبينت بحيث اذا علمتيهم عالحمام
وصاروا يتبولون في الفرش مايجيها شي بس يجي المفارش سهله غسيلها مو زي الفرش
وكمان انصحك بحفاظ السروال بيبي جوي لبسيهم بالليل الين يتعلمون تماما اريحلك
وابداي علمي الثنتين الكبار مع بعض ان شالله بيتعلمون اسرع انتظري لشهر 6 وعلميهم يكون الجو حلو
ابداي جمعي مبلغ لو ميتين ريال من هالشهر و خليه بحسابك عشان تسجلين بنتك الكبيره بالروضه السنه الجايه
مررره بترتاحين وبتتعلم و طاقتها تفرغها بالروضه ان شالله سجليها السنه كامله
بالنسبه لحياتك والتنظيف اليومي الله يعينك
يوميا يكون شغلك في نطاق استخدامكم
المطبخ والاكل سوي ونظفي بنفس وقت تواجدك بالمطبخ و حطي الصغير في سرير عندك بعديه عن النار وخله يلعب او يمسكه الاب او نوميه وخلصي شغلك ولا تطلعين من المطبخ وفي ملعقه الا مغسلتها وامسحي عالسريع الارضيه وقفليه
وبناتك سويلهم كيك او صامولي وغلفيه وخذيه عندك ينقنقون علليه بين الوجبات او اشتري حليب كرتون و بساكيت
وغرفه قعدتكم خلي البنتين الكبار يساعدونك وعلميهم عالشغل ولا تقولين مايفهمون كلفيهم بمهمات
فلانه لمي الزباله بكيس و الثانيه تمسح الطاوله مثلا و بعد ماينامون كنسيها و رتبيها و لاتنامين الا وهي نظيفه
و الحمام الي تستخدمونه بعد صلاه الفجر يوميا اشطفيه بديتول وكلوركس عالسريع وخذي مناديل كلوركس
او رشاش خففي فيه كلوركس و منشفه وامسحي الافرنجي بها وارميها بالغساله
اكنسي بعد الغدا يوميا وخليها عاده
صدقيني كل هذا لو تعودتي بيصير بيتك دايم نظيف وما ياخذ منك ساعتين
وحاولي كل شهر او اسبوعين تجيبي شغاله بالساعات للتنظيف العميق
الله يساعدك ويساعد جميع الامهات