أختي أم الغاليه:
فعلا مشكلتك صعبه كثير لأن الرجل إذا فعل شي وهو معتقد فيه ومتأثر منه أو عاجبة صعب ان الزوجة تنصحه مباشرة وقد يكون عنيد أكثر لكن لي عندك عدة نصائح بإذن الله الواحد الأحد نتفعك:
1)عليك بدعاء الثلث الأخير من الليل في صلاة التهجد وبعدها من قلب صادق مع الله(مجربه وما خابت)
2)عيك بشريط فيديو للدكتور خالد الجبير هم اثنين(امراض القلوب-اسباب منسيه)صدقيني حبيبتي لو جلست إنتي وزوجك تسمعون له مستحيل تتمالكو اعصابكم لأنه مؤثر مؤثر بمعنى الكلمه (بدون ماتعلمين زوجك ان قصدك من مشاهدة الشريط التأثير عليه حتى مايتكابر)
3)كثري من الكلام الحلو والسنع واهتمي بمظهرك ونظافة المنزل
4)حاولي انك تشغلينه باللي يحبه وتزينين المقعد(شاي -قهوة مع حلى0000)
5)اشغلية بالواجبات أهمها تذكرينة بالصلاة جماعة في المسجد وخاصة الفجر بعدين بصلة الأرحام كل يوم اختاروا قريب تزورونه0
6)نصيحة مجربه(لما يدخل زوجك عليك هللي وجهك بابتسامه وكلام طيب وعند خروجة بالدعاء له بالسلامه من كل شر وهو يسمعك0000
صديقني عزيزتي الرجل لما يفكر بأمرأه ثانيه ولو كانت تسليه لابد يعاني من نقص معين يدورة في مكان ثاني فاهلله الله بزوجك والله يوفقكم ويستر عليكم:26:

اختي انا انصحك ان لا تخبريه بذلك ولكن اكثري من شراااء من الكتب الدينيه والاشرطه واللي تتحدث عن نفس هذي الامور وضعيها في السياره لكي يسمع وهكذا .. واقصي عليه القصص بشأن هذي الامور (الشات والماسنجر) لعله يتذكر ربه ويخاااف ...

ولكن لا تصارحيه خوفا بان يفعله امامك دون خوف وهناك تكمن المصيبه ..

واكثري من الدعاااء في السجود ..

اختج في الله

يعطيكم الف عافيه على تجاوبكم معاي
انا فكرت اني ماافتح معاه الموضوع
لاني ماابي احرجه بس اخاف اخليه ويتمادى اكثر
عاد اتصدقون كان يقولي عن ربعه اللي يكلمون البنات
بالمنسجر وكان يتطنز عليهم واثاريه منهم
الاسبوع الجاي انشاءالله بسافر ماادري افاتحه بالموضوع واحنا بالسفر ولا شرايكم
والله ماادري شنو اسوي

ومشكورين على تجاوبكم ويعطيكم الف عافيه

ادعولي الله يهديه ويهدي باجي الرياييل

اختكم \ ام الغاليه:44:

عفوا للتدخلي للمره الثانيه بس والله اني خايفه عليج
ومن جيييه قررت اني انصحج اني ما تفتحي معاه هالمووضوع
خليها سفره حلوووه وخليها ممتعه عشان يعرف الفرق بينج وبين بنات الشات والماسنجر
نسيه كل شيء وخليه يشوف دلعج ومثل ما قلت لج خليها ممتعه عشان ينسى اوكيك
امسكي نفسج ولا تقولين له عن هالمووضوع ..
والله ان ربج يحبج لانه يختبرج وشوف لمدى صبرك واصبري واحتسبي هذه المصيبه عند ربج
فربنا من يحب الواحد يختبره والله لازم تفرحني واصبري فعند ربك الخير الكثير
اهم شيء الصبر فربنا يكأفى الصابرين بغير حساااب
واكثري من الدعااااء في السجود
(((يا حي يا قيوم برحمتك استغيث اصلح لي شأني ولا تكلني لنفسي طرفة عين)))

والله يهدي كل شباب امة محمد صلى الله عليه وسلم


اختج في الله

بسم الله الرحمن الرحيم
اختي الغالية ..
انصحك بعدم فتح الموضوع مع زوجك في الفترة الحالية كما نصحتك الاخت .
ولي عودة باذن الله