سبب عذابك هو حبك له بشكل غير عادى وانا ما الومك لكن لو خففتى من

حبك كثير 0 راح ترتاحين من امور كثيره وتتلقين الصدمات وانتى قويه = وتتجاوزين

الازمات - عندى سؤال لو كل زوج تزوج على زوجته حبها زى ما تحبه هل كان

سيتزوج عليها ؟ طبعا لالالالالالالالالالا اذا ليش تبذلين له اكثر من ما يبذلك

أخت طماطه بالله عليكي كيف اخفف حبي لزوجي كيف بس اعطيني الطريقه
هذا أمر مو بيدي يااختي امر خارج عن ارادتي
ولو انا ماحبيته واتعلقت فيه عمري ماراح اشعر بأن الحياه لها طعم واني عايشه على الهامش
وانتي معاك حق والله لو يحبني نص المحبه اللي اعطيها له ماكان فكر يتزوج علي بس بعض الرجال تحلم بامور مع حريم ثانيه حتى لو هو يحب زوجته وهذا برضه يقهر
وبعد مايوقع في الزواج الثاني ممكن يوقع في حب الزوجه الثانيه وهنا يعني راح يحب الثنتين وهذا امر بسيط على الرجال وصعب علينا النسوان

مررت بنفس الالام والاهات...شك قريب الى الجنون كل ما فعلته يا عزيزتي هو الصمت وعدم التنقيب عن الهموم .ضروفي كانت مختلفة فقد كنت بعيدت عن زوجي .انتضر الالتحاق به بسبب عملي حيث انتقلنا الى منطقة اخرى .انا ام لطفلين وعرفت اكبر معانات في حياتي بسبب هدا الشعور والغربة القاتلة.هدا مؤلم جدا يا عزيزتي .تريثي لاتبحثي عن شيء...اتركي كل شيء للوقت .اهتمي بنفسك....وتوكلي على الله .قومي بجميع واجباتك كزوجة .فانهم احيانا يبحثون عن التقصير...لا عن الايجابيات...وادعي الله سبحانه وتعالى.....اللهم انصرني على من ضلمني وارني فيه ثاري واقر بدلك عيني....تغيري ياعزيزتي 180درجة فانه لاشك سيتساءل ما السبب وهدا هو المراد والله المتستعان.

ذحين بس شاكه انه ورى هالمصايب صاحب زوجك ياانه ساعده وكبر الشغله براسه وعملها وخلص او انه في صدد التنفيذ للعمليه
ياشيخه اذا كان منجد هو اللي معكر صفوكم ومبهذلك البهذله هذي كلها وقالب موازينك حسبي الله ونعم الوكيل والله اصدق ان بعض الاصحاب ماوراهم الا خراب البيوت الله يسامحهم وبس
انتي مشي حياتك والله العظيم عايشه كل كلمه خاطتها لكن ماباليد حيله الدعوات مستمره
والافكاار والله ماقصرو البنات والنصايح ااخر حاجه اقولها خلالاص مانتي ماخذه لاحق ولا باطل طالما انك وحيده في وسط المعمعه رب العالمين معاك لكن بصراحه لازم شخص يوقف معاك وقفه صادقه وتستردين حياتك اللي انسلبت منك بقصد او بدون قصد

طيب افرضي الليله من الليالي قالك انا متزوج بيطلقها لا بيطلقك لا بيقولك ماغلطت عليك وانتي انانيه وهذا حقي وانتي مابتحرمين الحلال وماني مقصر وبعدل هاه واخرتها يعني الان عيشي الموقف واستعدي لهذي اللحظه والله مابغىاجرحك لكن الامور توصل لهادرجه يبغالك استعداد لاي شي والصاحب هذا اذا كان منجد ورى جوزك والله مايستاهل الا من يعلم مرته ويقلب الطاوله على راسه عشان بعدين يعرف يدور عذر

والله تمر علي لحظات واقول فيها روحي بلغي حرمة الرجال هذا واعطيها الادله على زواج زوجها يمكن ساعتها حتى زوجك ينكشف
لكن ماابغى اتدخل في شي مايعنيني وفوق هذا ماابغى المصايب تشتعل بسببي خصوصا ان الرجال هذا متزوج حرمه ثانيه بفلوس زوجته الاولى والله العظيم
ماخذ من فلوس المشروع اللي هو مسويه من فلوسها ويصرف على الثانيه وفاتح لها بيت بهذي الفلوس ويمشيها بهذي الفلوس ويقول لزوجته انا محافظ على فلوسك واكثرها لك بالاسهم وبالشغل وهي مطمئنه وانا اسمع واشوف واكل تبن
مره من المرات جالس يقول لزوجي ترى حرمتي شاكه فيني هذي اليومين ماني عارف ايش اسوي معاها اخاف انكشف وانا ماني فايق للمشاكل والآن بالذات
قال له زوجي انت بس خدرها واعطيها الامان وخذها كم يوم بره المدينه خليها تطمئن انه مافيه غيرها او خذها في رحله كم يوم بعيد عن الاولاد
ترى مو بس احنا نخطط حتى هم مصايب ياكافي
والله اني انقهر من زوجي بس ماابغى افتح معاه مشاكل كبيره الحين ليما اتأكد
عارفه ليه؟
لأنه زي ماقالت الأخت أمينه فيه منهم من يدور في الحرمه عن التقصير والسلبيات وانا بصير حويطه واعطيه عيوني وكل اللي يبغاه واذا انكشف في يوم بخليه يندم قد شعر راسه اذا فكر في معاملتي له زمان والآن ودايما
يارب صبرني يارب والله اني في وسط جحيم اللهم اجعلها آخر مصائبي ولا تجعل لي مصيبه اكبر منها يارب