ساعدوني انا في حيرة بين امي وبين نفسي

السلام عليكم ورحمة الله وبركاته

اخواتي انا بكتب لكم بعد ما ضاقت بي الدنيا بعد ما حسيت اني عديمة الحيلة ومش عارفة اتصرف حاسة اني عاجزة عن اتخاذ اي قرار في حياتي علشان كدا انا قولت اتكلم معاكم عسي اني القي عندكم الحل لمشكلتي

مشكلتي بدات من حوالي 14 سنة من لما كنت في الجامعة انا اكبر اخواتي كنت بشتغل وبدرس وبساعد والدتي في مصروف البيت علشان والدي ووالدتي منفصلين انا عندي 4 اخوات 3 بنات وشاب عمرة الان 27 سنة

انا طول عموري بساعد والدتي ومش حاسة باي مشكلة بالعكس انا مبسوطة في دة وسبحان اللة ربنا مباركلي في فلوسي مع العلم اني مش بحوش بس بحس ان الفلوس فيها بركة ،اخواتي كلهم ساعدتهم بطريقة او باخري اختي الصغيرة عمرها الان 24 سنة بتدرس في السنة الاخيرة بالجامعة ولاني عايزاها تكون في مستوي تعليمي افضل علشان مستقبلها طلبت منها دراسة اجنبية بجانب تعليمها علشان السوق الوظيفي الان بيبحث عن اللغات وعلشان متبقاش زي الالاف من الشباب الي بيتخرجوا ومبيلقوش شغل والحمد لله بتنجح وحاسة ان مستقبلها انشاء اللة هيكون احسن .

المهم عندي اختي الي اصغر مني متزوجة ومخلفة بنتها عندها 5 سنوات وانا متزوجة منذ 3 سنوات ولم يحدث حمل حتي الان ارادة ربنا والحمد لله علي كل حال .

قالولي علشان تخلفي لازم تعملي عملية المهم انا قررت السنة دة في الصيف اعمل انشاء الله العملية مع اني خايفة جدا من هذة العملية ولاني دايما بقول ربنا لية حكمة في تاجيل الاطفال انا مش عارفاها بس اكيد لمصلحتي ، بس انا محتارة والدتي ساكنة في بيت ايجارجديد وبعدين صاحب البيت عايز يجوز ابنو في الشقة علي شهر 3 - 2008 وهي طالبة مني اجيب شقة انا حاسة انه محدش حاسس بيا من اخواتي ومش حاسين اني نفسي ابقي ام ولو جبت الشقة لازم ادفع اقساطها :angry:

انا ممعيش فلوس طبعا محوشه امبلغ صغير علشان الزمن وبعدين اخواتي انا حاسة انهم ودن من طين وودن من عجين حاولت اتكلم معاهم انهم يساعدوا ماما بس مفيش فايدة كلهم مش ساليين وحتي امي كان عندها شقة باعتها وادت فلوسها لاخويا وكمان هو طلب مني فلوس سلف سلفتة ومردليش الفلوس وطبعا انا انكسفت اسالة عليهم تاني واستعوضت ربنا فيهم .

مش عارفة اعمل اية المهم اخويا كمان الشاب دة عايز يجي عندي هنا في البلد الي انا مقيمة فيها واكيد محتاج مصاريف علشان السكن والاكل والشرب والحاجات دة ولازم انا اقف جنبة علي الاقل في اول فترة

دلوقتي انا اعمل اية اسيب كل حاجة وافكر في نفسي واعمل العملية ولا ادفع لامي جزء من ثمن الشقة مع العلم ان امي قالتلي هتكتب الشقة باسمي يعني هي في النهاية ليا واستني شوية علي العملية مع العلم ان كل سنة فرصي في الحمل بتقل ،:09:

انا عمري 33 سنة دلوقتي ومش عارفة صدقوني اعمل اية وخاصة جوزي ميهموش اي حاجة من طرف اهلي يعني بيقولي انتي عايزة تساعدي مش عايزة تساعدي دة مش مشكلتي المهم انك تفضيلي وللبيت وكمان طلاباتة كتيرة وعايزني مفكرش في اي حد الا هو والبيت وبس مع العلم اني مش مقصرة خالص في البيت مش عارفة ساعات بحس انة اناني مش بيفكر الا في نفسة وبس انا محتارة بين اهلي ونفسي .

اعمل اية ساعدوني :(