كرد الأبيض:انا ادعي دائما ربي يهديها و يصلحها,السنة الماضية انا وزوجي رحنا للحج و أخذنا امي معانا قلنا يمكن ربنا يهديها لاكن ما في فايدة,بالنسبة للوالد ما له كلمة بالبيت وخالي هو عدوها الأول لأنه متدين (لاحول ولا قوة الا بالله)
بانسبة ان الوحدة تسكر السماعة على امها فهذه صعبة لانها امي.والله اتحمل كل شي منها بس ياريت ماتدخل بحياتناوما تسب وما تحقد على زوجي
ـــــــــــــــــــــــــــــــــ
انا مو قصدي تسكرينها في وجهها لاااااااااااااااوالف لاااااااااااااااااااااااااااااا

انا قصدي اذا خلصتي مكلمتها انسي كلامها ولايهمك بس

مستحيل أم تحب ان بنتها تتطلق وتعيش بتعاسه وبعض الامهات مايعرفون يعبرون عن حبهم لبناتهم الا كذا..وغيرتهم من أزواجهم تشتد ويعبرونها بهالطريقه!! بأنها تحاااول تكره بنتها بزوجها خاصة اذا شافت بنتها تمدحه قدامها وتثني عليه وشايلته شيل وكل شوي تجيب طاريه عند امها وتقول انا سعيده معاه

كذا تبي تحس بحسره كبيره وان هذي بنتي اللي ربيتها وتعبت عليها تعيش بعيده عني وسعيده بعد! (طبعا مو كل الامهات كذا تفكيرهم بس البعض للاسف هذا هو تفكيرهم) فتتضايق من حب بنتها الشديييييييييد لزوجها وتمسكها فيه فتضطر انها تختلق المشاكل بينهم حتى لو طلبت من بنتها انها تطلب الطلاق!

وصدقيني امك تزيد بتمسكها برايها وتزيييد ببغض زوجك اذا كل ماقالتك شي عنه قلتي لا انا احبه وانا ماقدر اعيش من غيره ومستحيل اتركه كذا تغلييي زياده وتحقد عليه

حاولي لا تمدحينه كثير عندها كل شوي وخلي جلستك معها عنها هي وكيف انك تفقدينها وتحتاجينها كثير وكيف انك يوم تزوجتي ورحتي بعيد عنها حسيتي بمرارة فرقاها وانك بكل لحظه تتمنين تجلسينها معها واذا قالتلك ذيك الساعه شي عن زوجك وبدت تقول كلام سيء عنه وتحاول تكرهك فيه لا ترجعين تقولين احبه وماقدر اتركه واعيش بعيد عنه.. قولي هذا نصيبي ولي بنت ابيها تعيش بين امها وابوها والطلاق مو سهل ومن هالكلام

والله يهدي امك ويهدي كل الامهااااات ويصلح حالها ويهدي سرها ويحببها بزوجك ويسعدك معاه يارب:)

اختي كردستان..
عقلك براسك مافي شي يجبرك تخافين وتتتضايقين ماراح تجي تاخذك بالغصب..
لكن نصيحتي لك..
لاتكرهين زوجك بامك لاتحكين له خلاص لانه مهما كان هذي امك..الشي الثاني ابقى على صلتها ولو رحتي لها مره كل شهر اتصلي عليها كل يومين مثلا اسألي عليها وكل ماقالت شي قولي ان شاء الله ويمكن حاسه بكرهكم لها..

حسسيها باهتمامك وحبك لها..وصليها واهديها ولاتحس انك تحبين زوجك اكثر منها..الام تغار مهما كان..ولاتخلين التفكير بالماضي واللي سوته ياثر على علاقتك فيها..تقربي منها اكثر واكثر..والله يكتب لك السعاده يارب ويكفيك شر من فيه شر ويوفقك مع زوجك اللهم امين ويهديها لكم

والله يا بنات ما أدري شلون اشكركم على نصايحكم و كلامكم اللي هي اغلى من الذهب


ربي يجزيكم الف خير على كل حرف كتبتوالي ,ويرزقكم اللي بالكم اللهم آمين

أختي كردستان...

والله إن حالج وحالي واحد...وما أقدر أسوي شي..ساكته وصابره...من إنخطبت لين تزوجت صارلي 5 سنين والحرب اللي بين أمي وزوجي ما إنتهت...حرب أشبهها بحرب داحس والغبراء...وأنا مثل الكرة بينهم كل واحد يحذفني ناحيه الثاني وماحد مسويلي إعتبار....أمي تفك حرتها من زوجي فيني...وزوجي يفك حرته من أمي فيني...وأنا أبلع وأسكت...والمشكلة إن أمي الله يهديها ويسامحها مشوهه صورة زوجي عند كل الناس..عند أي حد تتكلم وتسب..وأنا ويلي امي وويلي زوجي.. ما أقول غير صبر جميل والله المستعان...

بس عندي طلب من المشرفات...وهو مناقشة هالموضوع لأنه جداً صعب والله جداً صعب...لأن رضا الله من رضا الوالدين... ورضاه سبحانه من رضا الزوج.... شو نسوي على شان نرضي رب العالمين في هالحالة