ساعدوني انا في هم مايعلمه الا الله

اخواتي ساعدوني مالي الا انتم وربي ضاقت بي الدنيا واحس مخنوقه مدري وش اقولكم لكن بحكيلكم قصتي انا متزوجه لي سنتين ونص تقريبا وعندي ولد مشكلتي زوجي متقلب واناني وناكر جميل ويلعب بنفسيتي ويقهرني دايم وتخيلوا يغار مني انا زوجته المهم مشكلتي الاساسيه انه مايصرف علي ولا يطلعني ولا حتى يقضي للبيت الا بطلعه الروح اقسم بالله اخر مره رحت السوبر ماركت قبل ست شهور وعايشين على خير اهلي واحيانا يدخل بكيس او كيسين من البقاله انا ودي اروح اخذ اللي ابيه اشتهي طبخه معينه او شي معين ماحصله بالبقاله ويرفض يوديني اتقضى بنفسي كأني طالبه شي مستحيل او يقعد يطفشني بالكلام الين امل وتنسد نفسي مثل تراني مو على بنك ماعندك الا كذا انا متواعد مع الشباب وهكذا .. غير كذا السوق اذا رحت بشتري يقعد على راسي لا تاخذين ذا ولا تاخذين الفلوس ماتكفي كفايه اللي اخذتيه وانا طالعه سوق عادي سيتي ماكس مثلا موب غالي عشانه
واذا جت عليه هو لبسه احلى لبس ودايم يجدد بشكله وانا ساحب علي ومايحق لي اطلب واتزين ، المطاعم والكوفيهات كل يروحها مع اخوياه وانا بالحسره وبطلعه الروح انا ماقصرت معاه سكنته بشقه لابوي عشان يرتاح من الاجار وكنت اساعده بالمصروف لما كنت موظفه وبا يقدر تعبي بالعكس من اول زعله راح قال لابوي مهتمه بدوامها ومهمله البيت لا تطبخ ولا تنظف طيب طبيعي بقصر لام دوامي متعب وادرس صغار عكسه تماما هو مرتاح اخر شي تركت الوظيفه عشان اقوم فيه بأكمل وجه ولا اقصر معاه تخيلوا اروح لاهلي مايعطيني مصروف حتى حليب وحفايظ لولده دايم يحرجني مع اهلي اذا طلعت معهم اطلبهم وهم مايقصرون بس لمتى ولي سنه تقريبا اطلبه مسافر نغير جو لان تعسرت ولادتي وجاني اكتئاب ولاده ابي اغير هالنفسيه ويقول مافيه فلوس جوالي ١٦ جيجا ابي جوال ثاني اقدر اصور ولدي فيه ورافض لان مافيه فلوس وصار يعصب لما اطلبه يقول انتي ماتقدرين وضعي وتطلبيني فوق طاقتي بعدها وعدته ماعاد اطلب لا سفر ولا جوال مع ان اللي حولي سافروا بالعطله اكثر من مره وانا بالبيت بين اربع جدران المهم اللي صار المشكله اللي صارت الان انه قال يبي يسافر مع واحد موب متزوج حتى لبرا المملكه اسبوعين تقريبا يقول انا طفشان ابي اخذ نقاهه عن الدنيا وارجع لكم شخص ثاني، انا عصبت وفقدت اعصابي شلون وهو يقول ماعنده طيب انا اولى اسافر معاه وطلباتي طيب وتقصيرك معاي من كل الجهات بحجه مافي فلوس والحين يقول بسافر ! المهم انا فقدت اعصابي وصرت اتكلم عليه واهاوشه واتلفض عليه وابكي من حر مافيني وقهري منه قام عصب ورفع صوته علي وكسر لابتوبي ويقول روحي لاهلك ماعاد ابيك قلت والله هذا بيتي وان بغيت اطلع فبمزاجي وراح ينام ولما صحي جا عندي يقول ماطلعتي لسى ؟ ومارديت عليه تخيلوا يطردني من الشقه اللي سكنته بها بلاش صار يتجاهلني والحين لنا يومين وانا مو طايقته انا ودي اروح لاهلي واشكيلهم الحال لكن ابوي عصبي ويكرهنا وكنت اشوفه يضرب قبل زواجي كيف يضرب خواتي اذا جو زعلانات من ازواجهم ويحبسهم بالمخزن مع انهم مظلومات مثلا اللي زوجها مدمن واللي يضربها ويكسرها يعني مستحيل اقدر اروح لاهلي لان ابوي متوعد اي وحده تجي زعلانه او بس زوجها يدق عليه يشكي منها يوريها الويل بدون حتى لا يسمع لها احس مالي ظهر وسند وزوجي غلط بحقي كثير وقصر معاي لدرجه وصلت للاكل ماعاد ناكل انا نفسيتي بالحظيظ وكل يوم ابكي بحرقه من وضعي هذا احس اني عالقه بينهم وقعده البيت مرض صرت خايفه بأي وقت فجاه ابوي يدخل يضربني لان زوجي راح له يشكي له مني لان صار يهددني بعلم ابوك ساعدوني وين اروح وين اهج نفسيتي تعبت وصرت ادوخ واتعب وولدي يبكي ومحد عنده اااه يارب ارحمني ساعدوني وش اسوي مالي غيركم