ساعدوني انا ودراستي

مدري اشفيني يا جماعه الخير
انا كنت الترم هذا اف من الكليه والترم الثانيه باديه وكلي حماس لكن ما ادري احس اني كسلانه مره
مالي خلق ادرس ولا ابي اصلا
المدرسه الي عندي بالبيت تمللت مني من كثر ما اقولها اليوم مالي خلق ادرس
ادري نفسيتي مو تمام بس وش اسوي احس الدراسه من سرت ثالث ثانوي ودخلت الجامعه سرت اكره الدراسه من وقتها
مره اقول عين ومره اقول كسل مع اني كنت اول شاطره في دراستي من جيت ثالث ثانوي غرزت
والله اني ادعي دايم ان ربي يسهل علي لكن معرف ايش اسوي
حتى التركيز مافيه ووقت المذاكره هذا كوم ثاني تلقى النوم يجيني حتى لو شبعانه نوم والنفسيه زفت ومالي خلق احد
وبعض الاحيان ادرس دراسه واحفظ واذا رحت اختبر اكون ناسيه كل شي من قلة التركيز
سرت ما احب افكر يعني تجيني مسألة رياضيات ما احب افكر او اني لو وقفت عند شي ما اكملها خلاص اتملل