حبيبتي العمره جداً سهله وما تحتاج أبداً أنكم تخافون و تدورون حمله الحرم مليان عساكر وناس

مختصه تقدر تفيدكم بإي شيء تبغونه

جهزو أغراضكم و سيارتكم و أنتم يالبنات أغتسلو و ألبسو حراماتكم في البيت أسهل لكم و أمشو

إذا وصلتو الميقات أخوكي يروح محل أغتسال الرجال يغتسل ويلبس حرامه ويتوضأ

و أنتم الحريم تروحون محل أغتسال النساء تتوضأون وإذا حابين تغتسلون بالميقات مافي مشكله فيه أماكن

أغتسال للنساء و بعدها تلبسون الحرامات و تتوضأون

وتصلون ركعتين بمسجد الميقات و تنوون العمره قفازات الأيدي و الجوارب

و النقاب ما يجوز تحرمون فيها

و بعدين تمشون لمكه بالطريق لبو لبيك اللهم لبيك

أول ما تدخلو مكه بسيارتكم

روحو لفندقكم و سيارتكم لازم توقفونها بمواقف الفندق لأن ممنوع الوقوف بإي مكان ممكن تتعرض للسحب

و الأفضل تحجزون الفندق قبل تسافرون و أفضل موقع للحجز موقع بوكينج

بعد ما تنزلون أغراضكم بالفندق أتجهو للحرم و أدخلو و شيلو أحذيتكم و سيدا للمطاف و أبدأو بالطواف سبع

أشواط وممكن تستعينون بالعساكر اللي بالحرم يوجهونكم لأول المطاف و نهايته


بعد الطواف صلو ركعتين خلف مقام أبراهيم ثم توجهو للمسعى و ممكن تسألون هناك كيف تبدأون

بعد ما تخلصون سعي أخوك أما يقصر شعر رأسه أو يحلقه

و أنتم النساء تقصرون

وبعدها تحلون الأحرام و تنتهي العمره

في الحرم تلفونات ثابته بكل مكان بس ترفعين السماعه و يرد عليك مشايخ مخصصين في الحرم

لأي سؤال أو فتوى تحتاجينها


و الله يوفقكم ويكتب لكم عمره مباركه

عاشقه الصداقه وورده ونوف والياسمين فعلاً ماقصرتو واعذروني اول مره بروح وملخبطه كثير ماودي اقصر او يصير علي دم قسم بالله من زماااان ميتتتته على مكه...

بس كيف تقولون الرجال يلبس الاحرام بالشقه عادي ... وعاشقه الصداقه تقول الا لعذر يعني لازم يغتسل ويلبس بالميقات

ادددري ازعجتكم كثيررررر سسسامحوني الله يجعلكم في الفردوس

الله يبلغك اياها على احسن حال وكل مسلم ومسلمه ويتقبل من الجميع..

,

بالنسبة للإغتسال فاللي اريح لكم

مافيه شي اغتسلتي من شقتك من الميقات كله جايز ان شاءلله

لما كنت اجي من الشرقية بالطيارة كنا نغتسل من البيت,,ونروح على المطار

وقبل ما نمر على الميقات فيه الرجال يبدلون ويلبسون الإحرام,,على اساس اذا مرينا على الميقات إلا هم محرمين خلاص

عادي مافي اي اشكال سواء من بيتك او من الميقات,وهالمعلومة مكتوبة في كتيب ابن عثيمين

اهم شي ما تتعدين الميقات إلا وخوك محرم

:26:

هلا أختي انا من الرياض واروك لمكه بسياره اول شي تمرين الطائف السيل وتاخذين غرفه الساعة ع 10 وتروشين وتخلصين أغراضك وتلبسين عبايتك وغطاء وتروحينن لمكه وتوقف ون سيارتكم يم الفنادق القريبة وأخذوا اجره ع 10 يودونكم الحرم واعتمري ولاتنسين كثري الدعاء مستجاب  واذا خلصتي عمره تطلعي وأخذوا اجره توصل كم محل سيارتكم وبكذا خلصتي العمره تكفين لاتركتيه ادعيلي بالحمل انتظره من 6 سنين