السلام عليكم ورحمة الله وبركاته
اخواتي العزيزات اللي يقرون موضوعي ساطرح مشكلتي عليكم واتمنى الاقي حلول اوافكار تساعدوني فيها وهل
احد منكم يعاني مثلي انا عندي اولاد والكبير فيهم عمره 15 واربع شهور المشكله ان ابني دايما طفشان ومعصب يضرب اخوه اصغر منه وماعنده اصدقاء وهنا اغلب المشكله لانه من الاشخاص اللي صعب يتعرف على احد واحيانا توصل لدرجة انه يبكي وهنا ينقطع قلبي عليه واحنا ساكنين في شقه والعماره والحي اللي ساكنين فيه اغلبه غير سعودين ومش عارف يتاقلم معهم وطبعا عندنا اقارب عيال عمه لكن مش من عمره وولد خالته لكن بعيد عنا وهو ماشا الله مشارك في انشطه تبع المكتبه اللي في المسجد طوال الاسبوع ومايشوفه الا مره كل كم شهر مع انه سجلته مكتبه تبع الحي اللي احنا فيه لكن ماستمر فيها ماعجبته سجلته في نادي سباحه فتره وجا البرد وماصدق على الله انه مايروح يقول طفش مافيه اولاد كلهم كبارعنده لاب توب وعنده بلاي استيشن لكن كلمة زهقان على فمه على طول احترت معه والكارثه اخر الاسبوع يقول وين اروح مايلاقي احد. يعني ياحلوات قولولي ايش تسون انت مع اولادكم ولكم مني احلى دعوه
مناوي2010 @mnaoy2010
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الولد بهالسن يحتاج أبوه..ويحتاج نصايحه..معاتبته..حديثه وملاحظاته..حتى مزحه
أنتي لوحدك ماتقدري تكوني كل شيء
ولدك يعاني فراغ روحي..وعاطفي..مهما وفرتي له..جواته حاس أن ناقصه شيء..كثفي الجلسات معه أنتي ووالده
وأسمعي منه سواليفه حتى لو تافهة..قومي انتي وأخوانه بأنشطة معه..ولعب..حتى ابوه لو ممكن..خلي اغلب نشاطاتكم
عائلية..تراها افضل من النشاطات اللي برا..حتى الروابط بيناتكم سبحان الله تقوى..طبعا جلساتكم خلوا فيها حوار واسئلة
دينية..منها ثقافة له ولأخوانه ومنها يشارككم بنشاط ويحس أنه مهم ومُستمع إليه..والله يصلحه ويهديه يارب ويرزقك بره