قطعة السكر @ktaa_alskr_1

عضوة فعالة

ساعدوني بأفكاركم..ولكم الأجر...

بسم الله الرحمن الرحيم..

السلام عليكم ورحمة الله وبركاته...

رمضان قرب..الله يعدنا عليه والجميع..بصحة وعافية..

ويعينا على الصيام بهالحر..ونقضي أوقاتنا فيه بالعبادة...

بما إني مشتركة ببرنامج تطوعي تابع لجمعية خيرية..صرت أتقصى وأبحث عن العوائل المحتاجة..والمتعففة بنفس الوقت..

إكتشفت أشياء تصدم..وتحزن..

فكرت كثير بطريقة أساعدهم..بدون ما أحرجهم..لأنهم ما يشتكون لأحد..ويرفضون ياخذون معونات من الجمعية..

إتفقت مع عماتي وخالاتي..إن كل بيت يحسب حسابة بطبق كل ليلة..

بحيث إنهم يقدرون يخلونه ليوم ثاني..

يعني مثلاً..فكرت بخبز الرقاق..اللي نستخدمه للتشريب..أو الثريد..

ممكن يخزنونه طول رمضان..

فكرت أسوي سمبوسات بحشوات مختلفة..

وأخذت أفكار من المنتدى..للتفريز..

بودي للعوائل كل ليلة إذا أمداني مع الفطور..وإذا ما قدرت مع السحور...

عندنا عادة كل سنة نزور أهلنا وأقاربنا قبل رمضان..بهنيهم بقرب الشهر..

هالمرة قررت أبتدي زياراتي بنص شعبان..

باخذ معاي من الأشياء اللي بديت أفرزنها..وبشوف وش بيطلع من أهلي..

فكرت بهاللشي لأننا متعودين ناخذ صحن بقلاوة ولا معمول..أو تمر محشي..

بس حسيت إن هالطريقة أحسن..للعوائل اللي محتاجة...

وفكرت أزيد مبلغ..على حسب اللي عندي..لكل عايلة...على الأقل لبعض الأشياء الضرورية بالشهر..

وقبل العيد..بجمع من أهلي وكل بيت مبلغ..وبوزعه عليهم..عشان يتقضون للعيد..

العام الماضي قبل العيد كلمنا بعض العوائل وسوينا مثل المعرض وخليناهم يجون يختارون ملابس للعيد..تبرعوا فيها محلات..وما قصروا ساعدونا كثير..وعطونا حتى ملابس داخليه..وملابس مواليد..و بعضهم عطانا جزم وجوارب-وأنتوا بكرامة..

كثرت حكي..

بس اللي عندها فكرة لا تبخل علي..

ولكم أجر من الله..وبتعينوني على إن عوائل تفرح بشهر الخير...

في أمان الله..

يلزم عليك تسجيل الدخول أولًا لكتابة تعليق.

تسجيل دخول

آآآم الوليد • 16 سنة

جزاك الله اختي واعانك الله على فعل الخير

علبة ببسي ماكس • 16 سنة

الله يجزاك خير

والله انك قطعة سكر صدق حبيبتي أذهلتيني موضوعك حلو

الله لايحرمك اجره....

حبيبتي كلمي اقاربكم ولي تعرفينهم عن زكاة رمضان بحيث انهم يعطونك اياها وانتي توزعينها بمعرفتك

على هالمحتاجين المستحقين لهااا وتفرحينهم بهالشهر الفضيل وايام العيد

فيه ناس مقتدرين يدورون الاجر انتي وين بالضبط

الله يعطيك العافيه اتمنى يتفاعلون خواتي الباقيااات

بنت المماليح • 16 سنة

جزاك الله خير

مهرة الخيال • 16 سنة

جزاك الله خير

alraaayeqah • 16 سنة

وفري صناديق على عدد المحتاجين وضعي في كل صندوق علب شوربه وفيمتو ومعجون طماطم ودقيق وجلي وكريم كراميل ونشا وفانيليا وبيكنج بودر وخميره واي شيء يطول مايخرب وكيس رز متوسط الحجم ووزعيها بقرب دخول رمضان وهنوهم بالشهر
ان شاء الله اكون افدتك