السلام عليكم ورحمة الله وبركاته
انا بصراحه احترت احط هالموضوع وين
قلت هنا فالطلبات ان شاء الله القى الفكره عندكم
انا دخلت دورة
وعندنا بحث لازم نسويه
هو عباره عن مشروع كيف ممكن تساعد على تقليل سكر بقرب لكم الفكرة وابيكم تساعدوني
يعني من الاشياء اللي تساعد على تقليل انتشار السكر او مضاعفاته
اللي هو فتح عيادة خاصة بمرض السكر تعلمهم استخدام الانسولين وتعطيهم معلومات اكثر عن مرض السكر ومن الضاعفات وبكذا يقل السكر
او
نسوي مثل اليوم العالمي للسكر اللي تجي فالمستشفيات طاولات وفيها برشورات وشاشات عرض وبعض الشركات اللي يبيعون الاجهزة
او
فيه وحده اخترعت شي قالت : نتعاقد مع شركه حقت بيانات فالمستشفى اللي تشتغل فيها وتصير ترسل رسايل على المراجعين لعيادة السكر على جوالاتهم يصير الدكتور يحط اللي يبغى عن المسؤل عن هذا النظام يقول ابيك ترسل هذي المعلومه للمرضى اليوم
وبكذا لاحظو نسبة مضاعفات السكر قلت صارو يهتمون بادويتهم وصارو يهتمون بنظافتهم عن طريق الرسايل اللي تجيهم
او
وحده قالت نصمم مثل الطاوله المتنقله متخصصه لمرضى السكر فيها اماكن لحفظ ابر الانسولين
واماكن للبرشورات
ويصيرون يتنقلون فيها فالعيادات او اماكن برى وتكون مجهزة بكل اغراضهم
انا ابي افكار جديده
الاستاذة تبي شي جديد ولي اسبوع ونص وانا اعصر مخي ولا لقيت
قلت مالي الا بنات حواء هم بيساعدوني
تكفووووون فكرو معي واعطوني افكار غير توزيع الكتيبات او المحاضرات ابي افكار قوية مثل الطاولة ومثل المهرجان فيه وحده قالت سيارة كبيره وتكون مجهزة بكل اغراض السكر من اجهزه وثلاجات وشاشات عرض
فيه وحده قالت نفتح عيادة خاصة بالقدم السكريه لان دايم اللي فيه مرض السكر اغلب مشاكلهم غرغرينا لان جروحهم ماتلتأم بسرعه
فهي اللي تعالج وتنظف جروحهم وقضت على تقريبا 80 بالميه من المرضى اللي كانت اقدامهم بتنبتر وكان فيهم غرغرينا
اخيرا
شروط الفكره
استطيع اقيس فيها نسبة انخفاض السكر عند المرضى يعني مثل العيادة من فتحتها الى التاريخ الفلاني احسب نسبة انخفاض السكر
ويمكن تحقيقها يعني مو مستحيله
واقعيه يعني تطبق على ارض الواقع
ساااعدووووني جعل ربي مايحرمكم الاجر
ماتدرون بأفكاركم هذي نطبقها ويرجع لكم اجر كل مريض
تلقون الاجر يوم القيامه وتتفاجؤن انها من هالعمل
بانتظااااااااااااااااااااركم احبابي
بطاقة دعوة @btak_daao
محررة برونزية
ساعدوني بأفكاركم تكفون عندي بحث عن عيادة السكر وابي افكار لتقليل مرض السكر في المرضى
الطالبات •
0
6K
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️