ساعدوني بأفكاركم للملحق

المنزل والديكور

السلام عليكم ورحمة الله وبركاته
شلونكم ياخواتي ؟؟
اختكم الصغيره راح تتزوج>> واثقه الأخت صغيره
وراح اسكن ببيت اهل زوجي بملحق خاص .. حشه قصة حياتها
المهم المساحات محدوده غرفتين وصاله وحمامين تكرمون ..
وابي طرق علشان احط اثاثي وارتب مكاني بشكل حلو وجديد وغريب وبسيط
تكفون .. مالي غيركم بعد الله .. أنا لحااااااالي ..
:01::06:
2
588

يلزم عليك تسجيل الدخول أولًا لكتابة تعليق.

تسجيل دخول

قمرتاج
قمرتاج
مبروك و منه المال و منج العيال
بما ان الملحق صغير حاولى لاتكثرين بالأشياء

فالصاله مثلا :

ممكن عشان تستغليت المساحه سويها على شكل مجلس تفصيل كنبات دار ما دار الصاله يعطى مساحه اكبر و يساعدج بانك ممكن تستقبلين ناس وايد و اذا انتو ما تستخدمون غرفه اكل اقصد طاولة طعام فلا تشترين طاوله طعام صدقينى وايد ناس ما يستخدمون طاوله الطعام يفرشون على الأرض اذا انت هذا طبعكم فلا تشترى طاوله طعام حتى لا تصغرى المساحه و طبعا فى الحائط المقابل الكنبات اختارى تلفزيون كبير نوعا ما مع الفيديو و الإستيريو و كل ما كان حجم التلفزيون كبير كان افضل اشترى التلفزيون الى فيه قاعده اساساً و ابتعدى عن مكتبة التلفزيون لأنها راح اصغر الغرفه بس اختارى ستاره كشخه من فوق (دورى فى المنتدى على موديلات )

اختارى لون فاتح عشان يعطى وسع مثل بيج و ترابى و لا تنسى لوحات زيتيه و شمعدانات للحائط و حاولى لا تكثرين بالأغراض التى ليس لها داعى فكل ما كان واسع كان اريح

بالنسبه للغرفتين وحده طبعا بتكون لج ووحده للبيبى بالطريق فاثثى غرفتج بس و الغرفه الثانيه خليها فاضيه حطى فيها حاليا كبتات الملابس الى ان ياتى البيبى

غرفة نومج

اختارى اثاث خشب امريكى فى المنتدى اشكال للمفارش اطبعى اى لون يعجبك و سوى لون الغرفه مع المفرش مع الستاره (اختارى قماش حلو لعمل مفرش و مخدات كوشيات و طبعا اختارى اكثر من لون امزجيهم مع بعض ) و اختارى واحد او اثنين من هالألوان لعمل الستاره بحيث يحدث تناسق بين الفرش و الستاره و اختارى ايضا الإكسسوارات التى تليق بالغرفه مثل لوحات و اباجورات و اختارى اذا فى مكان كرسيين لبسيهم بنفس قماش المفرش و ضعى بينهم طاوله و لاتنسى الشموع و الشمعدانات

الحمام

اذا كان السيراميك قديم فغيريه و ابحثى بالمنتدى على الأشكال التى توافقك و بامكانك تغيرين البانيو و المغسله
و تضعى فوط و سلال و شموع و ورود مجفف بعطور الفانيلا و البخور و بعض العطور للضيوف و لوشن لليدين و علبه كلينكس و اكسسوارات حمام انيقه و ممكن ان تضيفى بعض اللوحات الزيتيه الصغيره
و ممكن ان تضعى كبت صغير لتخزنى فيه الفوط و الصابون

و اهم شىء النظافه و الترتيب و الألوان المتناسقه و لاتنسى الإكسسوارات و اى سؤال انا حاضره و اذا قدرت تصورين البيت و تخلينا انشوفه يمكن البنات يساعدونج اكثر
بنوته مخطوبه
بنوته مخطوبه
تسلميييييييييييييييييييييييين لي ياقمر تاج ..
والله اني رازه الموضوع ويائسه ان احد يرد علي بس والله كفيتي ووفيتي وان شاء الله
راح ااذيج ..
هههههههههه .. امزح ..
جزاج الله خير عموما