غطرشة عطر :

بنات الله يجزاكم خير ع ردودكم وربي لادعيلكم وان شاء الله ربنا يستجيب كنت محتاجه اشكي همي و م قصرتو الله يحقق لكم اللي تتمنو ويفرج همكم يا رب

بنات الله يجزاكم خير ع ردودكم وربي لادعيلكم وان شاء الله ربنا يستجيب كنت محتاجه اشكي همي و م...

وحيدة بهالزمن :

اختي برايي اذا الأهل معارضين الزواج المفروض ماتكملين وتوصلين للخطوبه اهلك شايفين هالرجال مايناسبك وبالاحرى ودهم لبنتهم احسن رجال مو رجال اسم وبالآخر يصير من اشباهم اغلب المشاكل والطلاقات بسبب معارضة الاهل مايحصل التوفيق للبنت ولا التوافق مع الزوج اذا هو مو راضي يحط اسمك ولاحرفك ولايعترف لك بااهتمامه فيك ولايظهر لك اي مشاعر معناته مايبيك بس كسر رغبة اهلك واخذك على الرغم من عدم موافقتهم عليه الحب ياااختي بعد الزواج قبله كذب والله وكلام فاضي لاتقولين احبه من يوم كنا صغار المشاعر بالصغر غير ولما يكبر الانسان تتغير وتتبدل هالمشاعر ويقول يوه معقوله كنت احب فلان وعلى ايش كنت احبه حتى انتي تحسين بااستغراب من الموضوع ! لاتقولين احبه ترى هالكلمه كبيره لسه ماشفتي منه اي شيء ينحب انتي بانيه هالشيء على اساس حبك يومك طفلة صغيره ولاقادره تغيرين هالنظره ! ياكثر مانسمع فلان يحب فلانه من كان ا صغار ومسميين لبعض يتزوجها تبتدا المشاكل والاغلبية ياتنتهي بالطلاق او يتزوج عليها هي تكون بنت عمه او خاله او عمته الخ ويتزوج ثانيه عليها بس مايطلقها علشان مايزعلوا الاهل والبعض مو طايقها خير شر خليكي قوية يااختي ولاتهتمين فيه وطنشيه فترة طويله لو هو يبيك فعلاً راح يجيك لبيتك ويتمم امور الزواج ولو شفتي انه كلمك وابتعد معناته مايبيك وباعك اعتقد هو مايبي المسؤوليه ولايبي زواج يبي يتسلى وبس بدليل انه يبي يرجع لبنت يعرفها ولبنانيه بعد يعني يبي وسعة الصدر والفلة ويبي جوها ومو عاجبته انتي واذا كلمتيه ردد وتحجج انه يبي اهتمام ذا عذر غير مقبول بصراحة وشوفي يااختي بعد اذا هو راعي خرابيط وبنات ماانصحك تكملين معه والله لانك بتتعبين بعدين كثير راح يخونك والعيشه معه راح تكون صعبه لان اي حرمه ماترضى ان زوجها يخونها لو كانت ماتعطيه وجه قولي له اخيرك بيني وبينها لو رجعت وكلمتها انساني ولا ابغى اكمل هالخطبه لان مااقبل ان يكون زوجي كذا ابداً دام تبي حرمه تصونك وتحفظ عرضك انت بالمقابل تعمل نفس الشيء ! والله يااختي ارمي هالحب ورى وفكري بعقل ومنطق ودام الحب من طرفك فقط وهو يتحجج بالاهتمام ومدري ايش فشوفي حياتك واتركيه الحرمه تبي زوج يحفظها ويصونها ويحافظ بالمقابل على شرفه وسمعته برا وداخل البيت وتبي زوج يهتم فيها ويبادلها نفس المشاعر من حب واهتمام واحترام وتقديراً لذاتها مو زوج باسم بالبيت وبرا يعرف غيري ملايين ومكتفي فيهم وعن الحلال والحرام اذا احد قال شيء قالوا تراه متزوج !!!!! ولاتقولين بكره يتزوج ويتغير كان الاغلبيه في نعيم مافي مشاكل ولا في طلاق ولاهجر ولاخيانه!!!! الرجال اللي من البداية كذا وربي صعب جدا التعايش معه لان الشك داخل في العلاقة الزوجية والحياه طول العمر واذا تاخر راح تشكين واذا جواله مشغوله ولاجالس عليه بتشكين اذا قفله ولايتكلم بصوت واطي بتشكين على كذا متى راح انبسط وافرح بحياتي معه واستمتع مافيه ابداً هالشيء!!! فكري بعقل وانا والله اتمنى لك كل خير كااخت ولا ودي انك تنلسعين منه ولامن اي رجال الهدف من الزواج الاستقرار والسعاده والتفاهم وراحة البال وتبادل المشاعر والحب والسكينه والطمأنينه واذا مو موجودين ماله اي فايده هالزواج الله يوفقك ويوفقني ويشفيني يارب ويعافيني

اختي برايي اذا الأهل معارضين الزواج المفروض ماتكملين وتوصلين للخطوبه اهلك شايفين هالرجال مايناسبك...