ساعدوني باختيار مدينة بامريكا لدراسة اللغة ..

اب

اخوي موجود في دينفر ..
من ناحية طبيعه فهي طبيعه
بس بالشتـــــــــــــــــاء باردة جدآ وثلوج

سان فرانسسكو .. مافيها ثلوج وطبيعه بس غالية ..

-اوريغن -دنفر -سياتل -

اوريغن كنت برشحها لك قبل ما اقرا انك كاتبتها كثييير يمدحونها طبيعه خياليه خضرااا و رخيصه جدا مقارنه بباقي المدن لان التاكس او الضريبه فيها منخفضه مره وهالشي ميزه قويه خصوصا انكم عائله ومصاريف
اتوقع فيها نسبة سعودين حلوه وجوها معتدل اعتقد لكن امطارها كثيره وهالشي ميزه مو عيب وريبه مره من كاليفورنيا يعني بالاجازات تقدرون تروحون لها بالسياره

دينفر سكنت قريب منها ممتازه كبيره بس مو خطيره فيها كل شي تحتاجينه طبيعتها حلوه وقريب منها جبال الروكي كولورادو بشكل عام ولايه جميله وفيها اشهر اماكن التزلج بامريكا او بالعالم فيها سعوديين ونادي سعودي تعتبر وسط مو غاليه ولا رخيصه معقوله لكن شتاها بارد وثلوج وانا عشت فيه واقولك انه مو عائق كثير عوائل مع عيالهم ولااثر عليهم البرد او تعبو منه بعالكس الاطفال الصغار بسرعه تتاقلم اجسامهم عالجو ولا يتعبون كثرنا ماشاالله ما اذكر وحد تعب احد من عيالها بسبب البرد وتعتبر امنه ان شاالله واهل الولايه جدا لطيفين

سياتل قريبه من مواصفات اوريغن لكن اوريغن ارخص وسياتل على حدود كندا بالشمال فا اتوقع تكون بارده

هذولي المدن هم اللي ممكن ارشحهم لكم كعائله اما باقي المدن يا خطورتها عاليه يا غاليه مره ياانها ماتصلح للغه وفتره مؤقته الواحد يبي يستغلها فا اذا احد نصحكم بكاليفورنيا فاهي من اروع الولايات ولافيه مثلها لكن غلاها ماراح تقدرون تتحملونه وبرضو فلوريدا فيها متطلباتكم خضرا و مو غاليه ابد وفيها اماكن ترفيهيه كثيره خصوصا اورلاندو وجوها مو بارد لكن بالصيف حر ورطوبه وامطارها كثيره 

كنت حقولك الي طالبتيه موجودفي كاليفورنيا تحديدا في سان ديغو الي عندها اطفال مره حينبسطو فيها اماكن ترفيه لهم رهيبه وفيها مدرسه عربيه بس نااااااار للامانه لاتطاق من غلاها يعني الي جاي بعثه مستحيل يعتمد ع فلوس البعثه ..

الي محببني فيها جوها لاني ماااااتحمل البرد ..

الله ييسرلك الي في الخير..

انا الحين بمدينة نيوارك في ولاية ديلاوير المدينه صغيره جوها الحين مراا حلو يجيها برد بس سمعت مو مره اهم شي انو معهدها قوي ولجامعه كمان وفيها مدارس المدينه مراا رايقه حقت دراسه وموقعها استراتيجي ببينها وبين واشنطن ساعتين فقط كمان قريبه من فلادلفيا وولاية ميرلاند ومناسبع للعوايل وفيها سعوديين