ابعدي عن الخطابات ورزقكم بيجيكم من رب العالمين

اكثر شي يقهر لما اشوف بمواقع التواصل مواصفات البنات الجسديه وانهم بنات قبايل واعمارهم بالعشرينات معروضه للي يسوى واللي مايسوى بحسابات الخطابات وتنشرهم بالهشتاقات كأنهم بايرات او طايحات بكبود اهاليهم !
الواحد صار مايثق فيهم لان اغلبهم اما نصابات هدفهم مادي او يتصيدون الرجال اللعوبين وياكثرهم للاسسف

عزي نفسك عن خرابيط الخطابات

مهما حطو اعذار للناس اللي تلجأ لخطابات سواء رجال او بنات ما اقدر اقتنع ولا اوافقهم لان اللي يرغب بالزواج بنات الناس ماليه البيوت واهل الخير مايقصرون

واذا في حاله اقدر اقتنع فيها هي انك تكونين تعرفين الخطابه على ارض الواقع وشفتيها بمنطقتك ويكون معروف عنها انها توفق بين راسين بالحلال عن طريق معرفتها وعلاقاتها بالناس في المنطقه يعني يكلمونها الاهل والناس او يلمحون لها ان عندهم قريبه بسن زواج وهي بمعرفتها بتدل اهل الخطاب عليهم وتاخذ نصيبها من اهل العريس بعد ماتتم الخطبه وبدون حتى تعرفون ان العريس جاي من خطابه .

اما اللي ينشرون بمنتديات ومواقع التواصل وارقام واتساب ماتعرفين مكانهم هذول انسيهم ولا تقربين منهم

يعطيكم العافيه ماقصرتو
وشكرا للجميع على نصيحه 💐

اقوول خذيها مني وربي انه الانستقرام فيه رزق روحي هناك اكتبي خطابه بيطلعلك حساب خطابه مفتوح ادخلي اول صفحه واكتبي بيناتك وان شاء الله تلاقين رزقك بنت جيراننا مطلقه وكبيره عمرها 38 تزوجة من الانستقرام واحد مطلق وملتزم وربي تشكر الله دايم على الهناء الي حصلته وعندك كمان مكاتب الرجال لتزويج اتصلي على الاستعلامات وخذي رقمهم هذولي كمان راعين ذمه وضمير اختي تزوجة عن طريقهم لكن هي زوجها متزوج بس هي كمان مطلقه وعندها عيال مناسب لوضعها

معها