ساعدوني بافكاركم..فيه طبق خيري .. وابغى افكار للبضاعه اتمنى تفيدوني مشكورين

هلا مرحبا اختي..... بحاول اساعدج..... لاني اشتركت في طبق خير اكثر من مره... وشفت كيف ايكون التنظيم.....

اولا: المكان....

انا لاحظت انه... اذا كان في مكان عام.... ايكون احسن.. لانه الاقبال يكون اكبر... مثلا حديقه للنساء والاطفال...

ثانيا: المشاركين...

حاولي انه المشاركات في البيع.. يكونون متطوعات.... صدقيني بتحصلين وايد ناس يحبون الخير و يساعدونج..

ثالثا: الطعام.....(وهذا الاهم)

بالنسبه للطعام طريقه احضاره وبيعه... تختلف وهذا حسب الجهه الراعيه لطبق الخير... المهم.. بالنسبه لنا كنا.. نتشارك في احضار الاكل..مثلا..
كشري.... ويتم تعبئته في علب صغيره... وسعرها 5 دراهم
روق عنب...(وهذا كثري منه لانه له شعبيه) يتم وضع اربع حبات في صحن صغير ويتم تغليفه وسعره كذلك 5 دراهم...
فطاير... (وانصحج اتكون دجاج او لحم لانها بسرعه اطير) وتكون كل حبتين في صحن.. ونفس السعر..
سندويتشات دجاج او فلافل.... ويكون ب 3 دراهم... وممكن اتسوين السنويتشات الصغيره.. وخليلها بدرهم...

تقدرين ترتبين وجبه...بسيطه مثل المطاعم... تسوين سندويش بيف بيرجر وشيبس وكولا بعشره دراهم... وترتبينهم في صحن

ذره : اللي تكون طويله مثل كنتاكي.... وتقدرين تشترين اللي تكون مثلجه حبات صغيره .. وتسوينهم وتبعينها في كاسات صغيره...

حمص: نحن انسميه في الامارات... دنجو واظن في السعوديه ايسمونه بليله ( اذا صدق ظني ) وتبعينه في كاسات...

تبوله: نفس الشيء في صحون صغيره...

وتقدرين انتي تحطين الاكل اللي تبينه.... مثل معكرونه بالبشاميل... محشى ملفوف محشى كوسا..بيتزا تكون صغيره... الخ

نأتي للحلو.....

كيك... اشتري كيك من المخابز ارخص بكثير بس اشتري من المخبر اللي يبيع كيك هش ويكون ناعم وطازج ... يعني ما يكون يابس .. هذا الكيك بيمشي حاله هذا كان فيه اطفال او بنات صغار...

جيلي..: حاولي تعملين الجيلي...في صحون بلاستكيه شفافه... علشان تبان الالوان الحلوه للجيلي... أحمر برتقالي.. واصفر واخضر.... وكثري الاحمر.. الاطفال يحبونه...

ايس كريم.. جيبي من السوبرماركات اللي يكون سعره بنص درهم.. اشتري كذا كرتون.. ارخص... وحاولي تنوعين في الطعم يعني شوكهلاته... فراوله ...الخ..

يتبع......

هلا ... نكمل...

بالنسبه للمشروبات....

فيمتو.... اعمليه في ترموس كبير.... ويكون بارد.... وعلى حسب الشراء... صبي في كاسات صغيره... وخليه بدرهم ... في بعض المرات نبيعه بنص درهم... اذا لاحظنا ماشيء اقبال...

تانج.... نفس طريقه بيع الفيمتو.... وانصحج بالبرتقال... لانه محبوب من الجميع...

مع الوجبه البيف بيرجر.. والشيبس بيكون معاها الكولا.... اشتري الحجم العائلي.. وصبي في كاسات ارخص...

لبن.... في ناس يحبونه بس لاتكثرين منه... يعني لا تشترين كميه كبيره..

هاتي ترموس شاي ...او اللي تحبينه... اذا كانت عندج الامكانيات متوفره... اعملي نسكافيه... او كابتشينو في كاسات.. يعني لازم يتوفر عندج فيشه الكهرباء.. والغلايه... يعني ... سالفه طويله... بلاها احسن... :11:

ماء:... اشتري الكاسات الصغيره...

الاغراض الاخرى....

اشياء لازم تتوفر عندج....مثل الصحون البلاستكيه... الملاعق.. الكلينكس.. الخ....


اذا كان عندج ناس وااايد يساعدونج.... مافي داعي للتغليف... على طول حطوا حافظات الاكل... وغرفوا منهن على طول.... مثل الكشري وورق العنب والفطاير... احسن علشان اذا ما انباع يبقى في الحافظه.... وعلشان يحتفظ بالحراره....وهذا.. زين ومناسب جدا... للحمص... احسن ينغرف من القدر على طول... علشان يظل ساخن...

اهم شيء في طبق الخير... التنظيم.. والنظافه... علشان جذيه اكدي على الناس اللي بيشتغلون معاج... يلبسون قفازات نايلون في ايدهم..واكيد بتحتاجين طولات طويله علشان البيع... وحاولي انه يكون متوفر عند الناس اللي بيبعون ... فلوس فكه... خصوصا عند الناس اللي بيبعون... الحمص والعصير....

الله يوفقج.... وينجح طبق الخير......... اختي تهامه اذا احتجتي اي مساعده انا حاضره... ان شاء الله يكون شرحي واضح....

روح الالماس
الف الف شكر
وجزاك الله الف خير
وجعله بميزان اعمالك كل كلمه خطيتيها
اشكرك عيوين الصراحه افكار روعه للماكولات وماقصرتي عيوني

لا حرام عليكم
لا تعطون العيال جيلي و كولا
كلها الوان وشكر
بتضرهم
و يصير طبق شري
ان شاء الله لا
الله يوفقك تهامة في طبقك الخيري
و اقترح لو تجبين معاك داعية تعطيهم محاضرة يكون احلى
ومشكورة روح الالماس ع الاقتراحات الحلوة
جزاكم الله خيرا

انا انصحك تحطين آيس كريم , خاصتاً انا في فصل الصيف الحين .

والكشري وورق العنب لهم شعبيه رهيبه .. بسرعه ينباعون .

وممكن تحطين طاوله عليها نباتات ظل , او اكسسوارات للحمامات ترى والله عليها اقبال بالاطباق الخيريه .


اتمنى اكون ساعدتك . .

اختك برونزيه :26: