ساعدوني بافكاركم زوجي عازم اصحابه ومني عارفة ايش اسوي

مساءالخير حبيبتي...
لايضيق صدرك ولاتتطفشين..
قدمي على الفطور:قهوة وتمر حلى البف باستري +دونات+عصير+وماء
والعشاءصينية رز+شوربة الفطر+سمبوسة+سلطة الجرجير+شاورماءباالخبز العربي+أقماع
والحى (كريم كرمل) فقط
ولاتكثرين والله الناس أشبعوا ماعدا يشتهون آخر رمضان...

أولا : كل عام وأنتي بخير
ثانيا : الأطباق كثيرة حيييل أقولك مثلا :
سوي مكرونة البيتزاء
لقيمات أو جبنية
أصابع الجبنة
شاروما و سنبوسة
الشوربات أهم شيء وعني أنا أفضل الشوربة البيضاء أو العدس
منتو كذاب أو مطبق
كبة

والحلى أم علي لذيذة بشكل

إن شاء الله ساعدتك في بعض الأشياء والله يعينك على الفطور

حياك الله
شوربه الذرة وجبنيه سمبوسه لحم
مندي الدجاج وبيتزا المكرونه
كنافه مهلبيه الشوكلاته أوكريم كراميل
تبوله وأصابع التوست بالجبن والزعتر
مسقعه أولفائف الباذنجان ومبصل وسبرنغ رول الخضار
عصير شمام وفيمتو وبرتقال
عذرا أختي اذا كان فيه خطأ لأني أكتب سرعه
افي حفظ الله

شوفي عيوني
ع الفطور الاول
سمبوسه +لقيمات +بيتزا + سبرنق رول+قهوه +تمر+ماء صحه
بس لاتكثرين يروحون يصلون
تحطي باقي لبفطور االاول ع السفره وتضيفين عليه رز ودجاج او مكرونه +شوربه او تبوله +نوع سلطه وعصيرات تانق وفيمتو وبس وحلى كريم كراميل او جيلي ونشا طبقات
لاتكثرين وترى الرجال مايدققون مو زي الحريم

هلا الغايه اول شي الشهر مبارك والله يكون في عونك العزايم في رمضان مشكله والواحد يشيل همها

انا اشور عليك على الفطور
المعتاد( قهوه والمشروبات عصير وتوت وما جر غصنه رطب تمر )
لقيمات واعتبرها من اساسيات السفره في رمضان ومحببة عند الرجال كثير
اصابع الجبنة بعد لذيذة وسهله وممكن تسوينها بكميات قبل ويوم العزيمة تقلينها بس وممكن حلى الحطب
وممكن تسوين بسبوسة كنافة معمول كوكيز صغار لان احب اقدم واحد او اثنين من هالاصناف لرجال بدال حلى الطبقات حلى مدري ايش هذا اخليه لعزايم الحريم لان الرجال ما ياكلون هالاشياء غالبا وعندك لو تبحثين عن معمول ام عزيزان رائع وهش وسريع وممكن تسوين لك حلى سهل من باب التنويع بكمية بسيطه وممكن بف باستري تسوين منه موالح وحلى ( حلى لفائف القرفة بف تحشينه كاسترد شكولاته مكسرات وتفنني في التشكيل ) موالح ( احشيه جبن مالح مع بقدونس .. دجاج لحم خضار ) وممكن تسوين قبل ومجرد يوم العزيمة تقلينها او تتدخلينها الفرن
عندك فطاير السميد توني مطبقتة للاخت الغريبه روعه بالجبن وممكن تحشينها اللي تبين سهله وانا سويتها وفرزنتها وجلست عندي يومين كل يوم اطلع واقلي ومره دخلتها الفرن طعمه جربيها وبتتدعين لي
_________

واذا العشا حطي سلطات سلطة خضرا وسلطة مشكله . شوربة .. سمبوسة دجاج سبرنغ رول لحم مثلا معجنات نوعي بحيث ان السفره يصير شكلها يفتح النفس وسوي بكميات قليله عشان ما تبذير يعني تكونين ضربتي عصفورين بحجر واذا الاطباق الرئيسية سوي صينية مكرونه بالباشميل او لازانيا وانا عندي ريقة لازانيا رائعه اذا تبغينها اخذتها من هنا واعتمدتها وسويتها اكثر من 5 مرات
وسوي طبعا رز ودجاج او لحم اللي تفضلون
وهذا اللي قدرت افيدك به الغاليه السموحه منك والبنات ماراح يقصرون معك