الله يوفقكم

رفع للفائدة

بسم الله الرحمن الرحيم
يابنات انا لما رحت ديزني جتنا امريكيه واحنا ننتظر دورنا في مكان حلويات المهم قاعده تطلاع فينا وتبتسم وانا منقبه ولما قربت منها قالت هاي ووو وانها تعرف الاسلام وانها تقدرنا ووقعدنا نسولف معها شوي بعدين طلبتنا قران مترجم وتقول اعرف انو لازم اغسل ايدي واكون طاهره قبل ما المسه وشكلها باين عليها حابه تتعرف علي الاسلام انا في نفسي انهبلت من الفرحه قلت سبحان الله جتني الفرصه بدون تعب شوي الا راحت ورجعت مره ثانيه مع بنتها وعطت بنتي هديه بروش علي شكل ميكي ماوس وشكرناها واخذت ايميلها علشان ارسلها موقع القران وقعدت ادورلها ولقيت موقع اعجز وانا اقول روووعه بالصوت والصوره يقرا بالعربي وبعدين بالانجليري
استغليت الفرصه وارسلت لها معاه مواقع دعويه ويوتيوبات امريكان اسلموا وانشوده عن الرسول

هذا موقع القران
http://www.quranexplorer.com/quran/

عن نفسي أنا ما أحب أتكلم عن الإسلام إلا إذا سألوني ..

أنا أدرس في كنيسة _لأن ما عندنا بالبلدة أي معهد_ , و أمس لقيت المعلمة مرتبة الطاولات ومسوية حلقة , وقالت لي : لما يكتملون أبغاك تجاوبين على تساؤلاتهم , و مو بس فصلي ... كل الفصول مجتمعين ....

أنا كنت أحسبهم بيسألون عن السعودية مثلا .. عن العرب ..العادات والتقاليد ...المعالم السياحية ....ألخ
ويااااا ألله ... أسئلتهم كلها عن الدين ودقيقة جدًا , هذا غير أنه كان معانا وحدة ألمانية ومسكتني سخرية من الدين ومن الحجاب والتعدد والموسيقى....ألخ .والحمد لله سكتتها بدون ما أفقد أعصابي وبكل هدوء .

ما درسوا ذاك اليوم ... راح الوقت كله أسئلة وأجوبة عن الإسلام ...

ولما خلصنا مسكت المعلمة وقلت لها الله يعافيك لاعاد تعيدينها , حنا في كنيسة وأنا ماأبي مشاكل , أتكلم عن بلدي أوكيه بس الدين لا ...
عاد قالت أنها مهتمة جدًا بالإسلام , وفعلا أنا كنت ملاحظة من أول يوم أنها مهتمة ..

بس أنا صراحة ماعندي حماس قوي للدعوة .. مجرد أعطيهم إشارات بسيطة تثير تساؤلاتهم ...وبعدها هم يرجعون يسألونني أو يبحثون بالنت ويجون يتأكدون من المعلومات ,ما أبغى أكون مملة وكل كلامي عن الدين.

كله لأني بأميركا وأخاف من بعد سالفة حميدان الله يفك أسره , الواحد مايدري وش يصير عليه .


مدري يمكن ما تتفقون معي , بس فكرة توزيع منشورات دعوية أحسها خطيرة , خاصة بأميركا .
ترى الأوضاع دمار هالأيام , أنا ما أثبط أو أخذل بس يكون الواحد عنده حكمة بالدعوة وما يتحمس بزيادة .
حتى بالكلام لا تتحمسين , خلي أسلوبك زي السواليف بالضبط , مو كأنها محاضرة بمسجد .

إذا أفكاري غلط أرجوكم انصحوني و وجهوني وراح أتقبل بكل رحابة صدر ...