ساعدوني بالاختيار

انا كنت جالكسية وصرت ايفونية
وراح اذكر لك الاشياء اللي فقدتها او ماعرفت لها بالايفون
اولا الجالكسي الذاكرة تقدرين تتحكمين الايفون ذاكرته ثابته
ثانياً تقدرين تاخذين معاك بطارية احتياط اما الايفون ماتقدري>>بس الحين توفر الشاحن المتنقل
ثالثاً تصفح البرامج بالسوق احس الجالكسي اسهل من الايفون
رابعاً الملفات الصوتيه اللي تجي بالواتس اب بالجالكسي لها مكان تنحفظ فيه تلقائياً اما الايفون دخت مالقيتهن
خامساً الجالكسي موضته ماتنتهي عكس الايفون مجرد ماينزل جهاز بعده تحسين راحت موضة جهازك
سادساً التصوير الكل يفضل تصوير الايفون انا بصراحة مالي بالتصوير ماتفرق عندي وهذي اسألي الخبيرين بالكاميرا
سابعا حلو البصمة بالايفون انا عاجبتني😅 خاصة للاطفال عندي ماشاء الله عيالي يلقطون الرمز من حركة يدي بسم الله عليهم وبالايفون قدرت اغلبهم😜
انا هذي وجهة نظري وكان زوجي بيجيب لي ايفون ٧ لما ولدت قلت وشوا له عطني فلوسهن وبلاش خرابيط عندي ايفون للبرامج وجالكسي للمكالمات واهم شي جوال يستقبل ويرسل
وسحب علي واتوقع بقلبه يقول الشرهه مو عليتس الشرهه على اللي بيهدي لك😆😆😆😆

الأيفون يستحق المبلغ المدفوع فيه
عمر الجهاز والبطارية في الايفون شي جميل ....

أما بفضل الجلاكسي بالذات s6 و s7 ميزاتهم حلوة والجلاكسي فيه مرونة اكتر بالذات اللي تحب تنزل تطبيقات واستخدامه سهل وواضح وفيه مستشعر لدقات القلب وبرامج رياضة

اسهل صح فيه مرونه بالبرامج اكثر صح

لكن أيضا الايفون فيه مستشعر لدقات القلب وبرامج رياضيه

وايضاً فيه برامج واستخدامه سهل جدا لكن في البداية صعب للي متعود على برامج الاندرويد

لكن الجودة للأيفون مافي مقارنة بعد تجربة للاثنين
الاندرويد والأيفون

بالتوفيق 🌹🌹🌹

ما استخدمت الجالكسي.
انا ايفونيه ،،والايفون حلوومايعلق وشكله كشخه
وسعره فيه صراحه وتصليحه ارخص من الجالكسي.
الجالكسي دارج كثيييير مع كل الناس وكل الطبقات تستخدمه. لرخص سعره. لكن تصليحه غالي سعر جهاز ثاني