ساعدوني بالجواب الشافي الله يجزاكم خير

أنا كنت مخطوبة وبسبب واحدة كنت أعتبرها صديقة وأخت انتهى كل شي، من عرفت اني مخطوبة وهي حاسدتني وما ارتاحت إلا لما سببت لي مشاكل وسوت سحر تفرقة لي ولخطيبي وبين خطيبي وأخوه وسببت لاخوه مشاكل صحية وسحر جلب لأنها حطت عينها عليه تبيه يتزوجها بس ما تزوجها ومازالت تحاول باعمال السحر وقصة طويلة ما عندي وقت ولا يسمح لي المجال اني اكتبها هنا.. طبعاً بعد ما طلع وجهها الثاني قطعت صلتي فيها وفكرت في الانتقام بس في النهاية كل مرة أفكر بالانتقام اقول ابي ربي ياخذ لي حقي واخليها تجي من الله أحسن ولي شهر من انفصلت عن خطيبي أدعي عليها ليل ونهار واتحرى ساعات استجابة الدعاء ولا شفت شي لحد الآن مع اني مظلومة ودعاء المظلوم مستجاب وعندي إيمان ان الله راح ياخذ لي حقي وينصرني عليها ولو بعد حين بس كيف اعجل باستجابى الدعاء؟ لأني مقدر انام الليل من القهر

والآن بعد شهر من انفصالي وقطع علاقتي بالخبيثة اللي انخدعت فيها سنين وفتحت لها بيتي سنين وأكرمتها وانظلمت منها جزاءً على كرمي معاها.. بعد كل هذا مدري وش صار بحياة خطيبي وأخوه من تطورات ومدري هذيك وش تسوي معاهم وهل مازالت تأذيهم أو لا!؟


سؤالي الحين..كيف آخذ حقي وحقهم منها؟ ايش الدعاء أو الشي اللي اسويه عشان ربي ينتقم لنا منها بأسرع وقت
وكيف أعالج نفسي من حسدها وسحرها وانا متأكدة مليون بالمية انها سحرتني لأنها سحرتهم وأكيد انا معاهم
وأخيراً.. انا لي فترة أعالج نفسي برقية الفاتحة وقراءة سورة البقرة وعدة سور وأدعية وأذكار الصباح والمساء هذا غير الدعاء في جوف الليل والحرص على صلاة الفجر
والاستغفار أحياناً
بس ما احس بأي اعراض للعين أو الحسد أو السحر مهما قرأت قرآن واذكار
هل فيه حالات ما يبين فيها السحر والحسد؟
علماً بأني اسمع اصوات في غرفتي ومن انفصلت عن خطيبي وانا أحلم أحلام مو زينه وتكررت معاي كثير وكأن فيها رموز تدل على اشيا ورسالة من رب العالمين بس ما عرفت أفسرها وحاولت أوصل لمفسر أحلام بس كل ما اتصلت بشيخ ما يرد أو جواله مقفل والآن لجأت لمنتدى الشيخ عبدالله الخليفة وعرضت مشكلتي بالتفصيل مع الأحلام اللي شفتها وأنتظر رده

بليز بنات ساعدوني

علماً بأني ما ظلمت الإنسانة هذي أو بالأصح الشيطانة في صورة إنسانة لأنها طلعت على حقيقتها وعندي أدلة ضدها مكالمات مسجلة بصوتها واشياء اكثر وكلنا انصدمنا فيها انا وخواتي وصديقاتي اللي كانوا يعرفونها ويقابلونها ومو عارفة كيف اتصرف
في قلبي نار وودي اشفي غليلي واخذ حقي بس بنفس الوقت مابي استخدم نفس الأسلوب القذر حقها وابي الانتقام يكون من رب العالمين لأنه الأعلم والأقوى والقادر على كل شيء والأكبر وكل شي من الله فيه عدل وحكمة


في انتظار آراءكم وأجوبتكم